ممکن نہیں کہ خونِ رسولِ خدا نہ ہو

ممکن نہیں کہ خونِ رسولِ خدا نہ ہو

حملہ نبی کے دیں پہ ہو اور کربلا نہ ہو

یا رب کسی بھی باپ کی آنکھوں کے سامنے

اس کا جوان چاند سا بیٹا جدا نہ ہو

صحرا کی چل ملاتی ہوئی دھوپ میں خدا

ہاں در بدر جہاں میں کوئی قافلہ نہ ہو

غازی کو اس لیے ہی تو روکا تھا شاہ نے

کرب و بلا میں ہی کہیں محشر بپا نہ ہو

اصغر کا دے کے واسطہ مانگے حسین سے

قسمت میں جس کی ایک بھی بیٹا لکھا نہ ہو

ہرگز کنیزِ سیدہ زہرا نہیں ہے وہ

جس کو ذرا سا پردے کا کچھ بھی پتہ نہ ہو

دوزخ کرے گی اپنے ہی خاطر اسے قبول

جس دل میں پاسِ الفتِ آلِ عبا نہ ہو

آ جائے وہ بھی در پہ شہِ بے نیاز کے

جس نے حسنؔ شرابِ وِلا کو پیا نہ ہو