ہمارا مقصد ہمارا ایماں ہماری منزل رسول اکرم

ہمارا مقصد ہمارا ایماں ہماری منزل رسول اکرم

اماں کی کشتی کرم کا دریا عطا کا ساحل رسول اکرم

قدم قدم پہ ہی غم کے طوفاں تمام عالم ہے اب پریشاں

خدارا اب تو نگاہ کیجئے ہے سخت مشکل رسولِ اکرم

گھٹائیں رحمت کی چھا رہی ہیں کرم کے موتی لٹا رہی ہیں

ہے دردِ صلی علی سے مہکی تمام محفل رسول اکرم

خدا نے خود روبرو ہٹایا حجاب کون ومکاں اٹھایا

یہ شرف اعلیٰ کسی نبی کوہوا نہ حاصل رسول اکرم

یہ حکم قرآن ہے مفصل کہ اس کا ایماں ہے نامکمل

نثار جو آپ پر نہ کر دے یہ جان یہ دل رسول اکرم

دل حزیں کی صدا یہی ہے خدا سے ساجدؔ دعا یہی ہے

قبول راہِ طلب میں کرلیں یہ جان یہ دل رسول اکرم