رہے پیش نظر یثرب نگریا آرزو دارم

رہے پیش نظر یثرب نگریا آرزو دارم

کہے سکھ سے موری سگری عمریا آرزو دارم

توری پیوں پروں باد صبا سن لے عرج موری

رسول اللہ کی لا دی خیریا آرزو دارم

تصور میری آنکھوں میں بندھا ہے کملی والے کا

جو کعبہ سے اٹھے کاری بدریا آرزو دارم

نہیں بھاتا موری دل کو شہا بازار دنیا کا

مدینہ کی دکھا دیجے بجریا آرزو دارم

لبِ کوثر جو دیکھیں آپ مجھ کو ساقیٔ کوثر

جو خالی ہو تو بھر دیجے گگریا آرزو دارم

کہاں تک ہجر میں تڑپوں شہا دردِ جدائی سے

بس اب تو کیجیے کرپا کی نجریا آرزو دارم

سفر کی دل میں ٹھانی ہے تو چل کعبہ کو اے طاہرؔ

وہی رستہ وہی سیدھی ڈگریا آرزو دارم