حمد ہوتی نہیں دعا کے بغیر
حمد ہوتی نہیں دعا کے بغیر
حرف ملتے نہیں عطا کے بغیر
وہ جو حق کی کتاب ہے لوگو
کون سمجھے گا مصطفیٰ کے بغیر
حال دل کا ہمارے جانتا ہے
اس کو سجدہ کرو ریا کے بغیر
رب سے مانگو یہ حکمِ آقا ہے
کام بنتا نہیں دعا کے بغیر
رب تعالیٰ غفور ہے لوگو
بخش دے چاہے تو سزا کے بغیر
وہ ہی سب سے عظیم ہے داتا
جھولی بھرتا ہے وہ صدا کے بغیر
اک قدم بھی اٹھا نہیں سکتا
میرے مولیٰ تیری رضا کے بغیر
سنگِ اسود کا ذکر اپنی جگہ
بات پوری نہ ہو حرا کے بغیر
موت آئے نہ ان وزیروں کو
اس جہاں میں تری سزا کے بغیر
حمد کہہ دو یہ کہہ کے اے طاہرؔ
کچھ نہیں ذاتِ کبریا کے بغیر
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
