آئے نظر نہ جس کو نظر کا قصور ہے

آئے نظر نہ جس کو نظر کا قصور ہے

پھیلا ہوا جہاں میں طیبہ کا نور ہے

ہر لمحہ آپ سے جو بتدریج دور ہے

اس واسطے زمانے میں فسق و فجور ہے

قصویٰ ترے نصیب پہ نازاں ہیں انس و جن

سرکارؐ کے مکان کا تجھ کو شعور ہے

اول کی سطر آپ ہی آخر کی سطر آپ

نور نبی کا فیض جو بین السطور ہے

دل میں اگر فتور ہو رائی کے مثل بھی

رہ کر مدینہ پاک میں آقا سے دور ہے

نازل تجلیات ہیں ہر آن جس جگہ

مکہ ہے طور ہے یا مدینہ حضورؐ ہے