خوشی سے اپنے جامے میں نہیں پھولے سماتے ہیں

خوشی سے اپنے جامے میں نہیں پھولے سماتے ہیں

بفضل حق تعالیٰ آج ہم اجمیر جاتے ہیں

نہیں محروم وہ رہتے یقین اب ہو گیا دل کو

تعشق جن کو ہوتا ہے اسے خواجہ بلاتے ہیں

نہیں ہوتے مشرف وہ ہی خواجہ کی زیارت سے

دلوں میں جن کے خطرے اور اندیشے سماتے ہیں

وہ سن لیتے ہیں خواہش درد مندان محبت میں

جنہیں ہوتی ہے الفت آپ خود ان کو بلاتے ہیں

نظر آتا ہے شاید فجرؔ دیکھو روضۂ حضرت

اٹھو رہبر تمامی انگلیوں سے کچھ بتاتے ہیں