اللہ کا ہوا جو محمد کا ہوگیا
اللہ کا ہوا جو محمد کا ہوگیا
رتبہ اسے ملا جو محمد کا ہوگیا
اس کو ہے یہ پتہ جو محمد کا ہوگیا
اس کا ہوا خدا جو محمد کا ہوگیا
نیکی کے کاروبار میں آگے گیا ہے کون
آگے وہی گیا جو محمد کا ہوگیا
شامل ملے گا بزمِ درودوسلام میں
اس کا ہے یہ پتہ جو محمد کا ہوگیا
دل میں ہَوس کا نام و نشاں تک نہیں رہا
انسان بن گیا جو محمد کا ہوگیا
جلوے ہزار طرح کے ہیں تو رہا کریں
اس کو کسی سے کیا جو محمد کا ہوگیا
پڑھتے رہو درود عبیدؔ اعظم اعظمی
قد اس کا بڑھ گیا جو محمد کا ہوگیا
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
