کیا ہم سے پیا تکسیر بھئی کیوں درس دکھانا بھول گئے

کیا ہم سے پیا تکسیر بھئی کیوں درس دکھانا بھول گئے

جب روپ دکھا کے من کو لیو وہ پچھلا زمانہ بھول گئے

یہ برہ ا گن نے پھونک دیو سب تن جل کر راکھ بھیو

بھڑکا کے یہ پیت کی آگ سجن افسوس بجھانا بھول گئے

کیا ہم کو خبر تھی اس کی پیا، یوں پھیروگے چتون لے کے جیا

وہ سنگ کا ملنا جات رہو سپنے میں بھی آنا بھول گئے

لے اب تو سجن میں مر ہی گیا کچھ کرنی ہے کر لے میری دوا

اب پیت کا دکھڑا پیچھے پڑا تم دارو پلانا بھول گئے

اس پیت میں جو کچھ مجھ پہ بنی کیا تم سے کہوں یثرب کے دھنی

تھی آس مدینے آکے مروں تم مجھ کو بلانا بھول گئے

تورے دیس کی من کو دھن ہے لگی اب لگتا نہیں ہے ہند میں جی

دن رین اداسی رہنے لگی ہم چین کا پانا بھول گئے

کیا تم سے کہوں یا سرورِ دیں تم ہم رے بپت سنتے ہی نہیں

جب کس بل تن کا جات رہو ہم شور مچانا بھول گئے