کلیر کا گوشہ گوشہ بنا ہے جہان فیض

کلیر کا گوشہ گوشہ بنا ہے جہان فیض

یا رب یہ سر زمیں ہے کہ آسمانِ فیض

آئیں نہ دور دور سے کیوں طالبان فیض

حد سے فزوں وسیع ہے صابر کا خوان فیض

آتا ہے جو یہاں وہی ہوتا ہے فیضیاب

چشمہ ہے فیض کا یہ کچھ ایسا مکانِ فیض

محروم آ کے فیض سے رہتا نہیں کوئی

کلیر کو ہے بجا جو کہیں ہم دکانِ فیض

بہر زیارت آتے ہیں ہر سال عرس میں

لاکھوں قریب دور سے دلدادگان فیض

رہتا ہے زائروں کا یہاں رات دن ہجوم

جاتے ہیں سو تو آتے ہیں سو طالبان فیض

اس در پہ آ کے ملتی ہے منہ مانگی ہر مراد

اللہ رے شانِ جود یہ اللہ رے شانِ فیض

صوفی پہ منحصر ہے نہ موقوف رند پر

آتا ہے جو یہاں وہی بنتا ہے کان فیض