طیبہ کے جانے والے جا کر بڑے ادب سے

طیبہ کے جانے والے جا کر بڑے ادب سے

میرا بھی قصۂ غم کہنا شہ عرب سے

کہنا کہ شاہ عالم اک رنج و غم کا مارا

دونوں جہاں میں اس کا ہیں آپ ہی سہارا

حالات پر الم سے ہر دم گزر رہا ہے

اور کانپتے لبوں سے فریاد کر رہا ہے

سینے میں ہے اندھیرا دل ہے سیاہ خانہ

یہ سب میری حقیقت سرکار و الہ کو سنانا

کہنا میرے نبی سے محروم ہوں خوشی سے

سر پر اک ابر غم ہے اشکوں سے آنکھ نم ہے

پامال زندگی ہوں سرکار امتی ہوں

امت کے رہنما ہو کچھ عرض حال سن لو

فریاد کر رہا ہوں میں دل فگار کب سے

میرا بھی قصۂ غم کہنا شہ عرب سے