وہ جس کے دل پر تیری بندہ_پروری ہو جائے

وہ جس کے دل پر تیری بندہ پروری ہو جائے

سیاہ کار خدا کی قسم ولی ہو جائے

یہ آرزو ہے کہ معراج زندگی ہو جائے

غلام کی در آقا پہ حاضری ہو جائے

تمہارے دست عنایت سے اے مرے وارث

عطا کی مجھے تو محبت کی زندگی ہو جائے

دم آخر تیرے در پہ جبیں ہو جائے

قبول کاش تمنائے زندگی ہو جائے

تجلیات الٰہی سے اے مرے آقا

سیاہ خانۂ ہستی میں روشنی ہو جائے

خدا کے واسطے اپنا جمال دکھلا دو

جو تم کو دیکھ لے بے شک وہ جنتی ہو جائے

حسن حسین کا دیتا ہوں واسطہ تم کو

مرے بھی حال پہ اب بندہ پروری ہو جائے

خدا کرے مرے وارث وہ دن بھی آئے کبھی

نثار آپ پہ اعجازؔ وارثی ہو جائے