یارب بس است مارایک دلربا محمد

1. اے رب! ہمارے لئے ایک ہی دلربا محمد کافی ہیں، صل علی محمد صل علی محمد۔

2. ہم پر اور تمام عالم پر ان کی ذات رحمت ہے، اے اللہ محمد پر رحم کر، اے اللہ! محمد پر رحم فرما۔

3. (جب انہوں نے (یعنی رسالت مآب نے) ہم پر سلام بھیجا ہے تو اے دل تو بھی سلام بھیج محمد پر، تو بھی سلام بھیج محمد پر۔

4. اے دل اگر تو جمال مطلق (یعنی جمال الٰہی) دیکھنا چاہتا ہے تو دیکھ محمد کو، دیکھ محمد کو۔

5. ان کی تعریف میں میں کیا کہوں۔ ان کے نور کے بارے میں کیا بولوں؟ محمد تو شمس الضحیٰ ہیں (چڑھتے دن کا سورج، جو بلندی کی طرف مائل رہتا ہے)۔ محمد تو شمس الضحیٰ ہیں۔

6. کتنا اچھا ہوتا کہ ان کے در پر میں بینواؤں کی طرح صدا لگاتا، اے مصطفی محمد، اے مصطفیٰ محمد۔

7. کتنی اچھی دعوت دی آپ نے اے وہ کہ مجھ جیسے سینکڑوں آپ پر فدا ہوں، (یعنی دعوت دین حق) میں حاضر ہوں اے محمد، میں حاضرہوں اے محمد (یعنی میں آپ کی دعوت پر لبیک کہتا ہوں اس کو قبول کرتا ہوں)۔