ہے دل کو مرے شوق فراوان مدینہ

ہے دل کو مرے شوق فراوان مدینہ

پورا اسے کردیجئے سلطان مدینہ

بس اس کے سوا اور تمنا نہیں کوئی

ہو جاؤں نثار سروسامان مدینہ

رضواں بھی نہ کیول رشک کرے بخت پہ ان کے

احباب جنہیں کہتے ہیں دربان مدینہ

کس واسطے خواہش ہو مجھے باغ جناں کی

آنکھوں میں سما پایا ہے گلستانِ مدینہ

وہ گلشن فردوس کی حسرت نہیں کرتے

مرغوب ہے دل سے جنہیں بستان مدینہ

قسمت کی رسائی نے جو پہنچا دیا مجھ کو

ہو جاؤں گا سوجان سے قربان مدینہ

وشنوؔ احد واحمد مرسل میں نہیں فرق

ہیں شاہ دوعالم یہ سرکار مدینہ