یا_وارث

خزانے میں تمہارے کیا نہیں موجود یا وارث

مری مشکل بھی حل کر دو مرے مشکل کشا وارث

خدا کے واسطے بھر دو مری امید کا دامن

یہی میری تمنا ہے یہی ہے التجا وارث

ہزاروں حسرتیں لے کر تمہارے در پہ آیا ہوں

انہیں پورا کرو ورنہ یہیں مٹ جاؤں گا وارث

اسے کیا خوف عصیاں کا اسے کیا ڈر قیامت کا

کہا ہے عمر بھر جس نے زباں سے اپنی یا وارث

عزیز وارثیؔ کو آپ بھی تو جانتے ہوں گے

جو کہتا ہے مرا مولا مرا آقا مرا وارث