حاصل ہے جس کو دولتِ الفت امیر کی

حاصل ہے جس کو دولتِ الفت امیر کی

رحمت ہے صرف اس پہ ہی رب قدیر کی

باندھے ہیں ہاتھ سر کو جھکائے ہیں تاجور

شوکت تو دیکھ باب علی کے فقیر کی

در وا ہوا ہے خانۂ کعبہ میں یا کہ پھر

قسمت کھلی ہے خانۂ رب قدیر کی

کس میں بے تاب مد مقابل علی کے آئے

ہے کس میں خوبی آپ کے عشر عشیر کی

پکڑے مدام دامن آلِ على رہو

تعلیم ہے یہی مرے پیران پیر کی

مولا علی کا ہاتھ یداللہ ہے دوستو

مشہور ہے صفت یہ مرے دستگیر کی

تا اور ہو نشہ مجھے عشقِ امیر کا

پیتا ہوں مئے اسی لیے خم غدیر کی

خاک فرازؔ خاک ره بو تراب ہے

ٹھوکر میں شان کیوں نہ ہو تاج و سریر کی