رسول اللہ کہتے ہیں مرا ذمہ شفاعت کا

رسول اللہ کہتے ہیں مرا ذمہ شفاعت کا

مقدر اس کو کہتے ہیں گنہ گاران امت کا

مبارک زاہدو بہرہ تمہیں اپنی عبادت کا

بھروسہ ہے گنہگاروں کو حضرت کی شفاعت کا

یہی ہے آرزو دل کی ترے قدموں پہ دم نکلے

رہے آنکھوں میں نقشہ مرتے دم بس تیری صورت کا

جسے جلوت میں خلوت ہے جسے خلوت میں جلوت ہے

مزہ ہر وقت کثرت میں اسے آتا ہے وحدت کا

کیا پابندئی اسباب نے محتاج اے حاذقؔ

جو مستغنی عن الکل ہو مزا پائے حکومت کا