جہاں میں آج وہ محبوبِ داور آنے والا ہے

جہاں میں آج وہ محبوبِ داور آنے والا ہے

زمانہ جس کا شیدا ہے وہ دلبر آنے والا ہے

ہر اک جس کے لیے ہے آج مضطر آنے والا ہے

مبارک ہو وہ شہ پردے سے باہر آنے والا ہے

گدائی کو زمانہ جس کے در پر آنے والا ہے

شہ ابرار تسکیں دینے والا بے قراروں کا

معاون اپنے دلداروں کا اپنے جانثاروں کا

خبر کا لینے والا بے کسوں کا دل فگاروں کا

ٹھکانا بے ٹھکانوں کا سہارا بے سہاروں کا

غریبوں کی مدد بے کس کا یاور آنے والا ہے

یہ محفل وہ ہے جس میں ہیں ملائک با ادب خاطر

یہ محفل وہ ہے عظمت جس کی ہے ہر ایک پہ ظاہر

یہ وہ محفل کہ ہے توصیف میں جس کی زباں فاخر

حسنؔ کہہ دو اٹھیں سب امتی تعظیم کی خاطر

کہ اپنا پیشوا اپنا پیمبر آنے والا ہے