رونق_صبح_و_شام تجھ سے ہے

رونق صبح و شام تجھ سے ہے

زندگی شاد کام تجھ سے ہے

تجھ سے قندیل کن فکاں روشن

یعنی سارا نظام تجھ سے ہے

تو لباس بشر میں نور خدا

روشنی حق کی عام تجھ سے ہے

تیری اک اک ادا میں ہے اعجازی

اس میں کس کو کلام تجھ سے ہے

تجھ سے باقی جہاں میں میرا وجود

اور اعلیٰ مقام تجھ سے ہے

مجھ کو دنیا سے کیا غرض کوئی

مجھ کو جو بھی ہے کام تجھ سے ہے

رنج و غم سے مجھے رہا کرنا

عرض خیر الانام تجھ سے ہے

تیرا ممنون کیوں رہے نہ ظفرؔ

فیض حاصل مدام تجھ سے ہے