محمد مصطفیٰ ہو اور احمد شانِ والا ہو

محمد مصطفیٰ ہو اور احمد شانِ والا ہو

امین الخلقِ عالم صاحبِ اخلاق اعلا ہو

تمہارے در پہ دم نکلے مقدر کیا ہی اچھا ہو

میں مر کر زندہ ہوجاؤں جو پوری یہ تمنا ہو

خدا نے رحمتِ قرآن سے تم کو نوازا ہے

کلیم بارگاہِ رب، کریم اہلِ دنیا ہو

شفیع المذنبیں ہو تم تمہارا فیض کوثر ہے

گنہگاروں کے ناجی ہو شفاعت کا سہارا ہو

غلامانِ محمد پر شکوہِ خسروی قرباں

ہوئے تم جس کے آقا اس کا رتبہ کیوں نہ اونچا ہو

تمہاری شان لو لاک لما ہے دونوں عالم میں

عظیم انس و جاں و شاہد انا فتحنا ہو

خدا نے ہادی اکبر بنایا ہے تمہیں حضرت

روؤف، رحمت اللعالمیں، خیر البرایا ہو

میسر ہو غبار مرقدِ اقدس کا گر سرمہ

مکان و لامکاں کا تاجؔ آنکھوں میں تماشا ہو