از خداوند ولی التوفیق درخواستن توفیق رعایت ادب در ہمہ حالہا و بیان کردن و خامت ضررہائے بے ادبی‌‌

ہماری خدا سے التجا ہے کہ جو ہمارا مددگار ہے کہ وہ ہمیں ہرحال میں رعایت ادب کی خواہش سے آشنائ عطا کرے اور بے ادبی کی نحوست کے بارے میں بیان

ہم خدا سے ادب کی توفیق چاہتے ہیں

بے ادب خدا کے فضل سے محروم رہا

بے ادب نے نہ صرف اپنے آپ کو خراب کیا

بلکہ اس نے تمام اطراف میں آگ لگا دی

خوان آسمان سے پہونچتا تھا

بغیر خریدے اور بیچے، اور بغیر کہے سنے

موسیٰ کی قوم میں سے چند اشخاص

بےادب نے کہا لہسن اورمسور کہاں ہے؟

آسمان سے خوان اور روٹی بند ہوگئی

کھیتی اور کدال اور درانتی کا غم باقی رہ گیا

پھر عیسیٰ نے جب سفارش کی، اللہ نے

خوان اور طباق میں مال غنیمت بھیجا

پھر گستاخوں نے ادب چھوڑا

فقیروں کی طرح بچا کھچا اٹھا رکھا

عیسیٰ نے ان کی خوشامد کی کہ یہ

مستقل ہے، اور زمین سے غائب نہ ہوگا

بدگمانی اورلالچ کرنا

شاہی دستر خوان پر ناشکری ہوتی ہے

ان فقیر صورت، لالچ کے ندیدوں کی وجہ سے

وہ رحمت کا دروازہ ان پر بند ہوگیا

زکوٰۃ نہ دینے کی وجہ سے ابر نہیں آتا ہے

اور زنا کاری سے اطراف میں وبا پھیلتی ہے

تجھ پر جو غم کی اندھیریاں آتی ہیں

وہ بے باکی اور گستاخی کی وجہ سے بھی ہیں

جو شخص دوست کے راستہ میں بے باکی کرتا ہے

مردوں کا رہزن بنا اور وہ نامرد ہے

یہ آسمان ادب سے پر نور بنا

اور ادب ہی سے فرشتے معصوم اورپاک ہوئے

سورج گرہن گستاخی کی وجہ سے تھا

شیطان گستاخی کی وجہ سے مردودِ بارگاہ ہوا