بہ سخن آمدن طفل درمیان آتش و تحریض کردن خلق را در افتادن بہ آتش

یہودی بادشاہ کا ایک عورت کو مع بچے کے لانا اور اس کا بچے کو

آگ میں ڈالنا اور آگ میں سے بچے کا بولنا

وہ یہودی ایک عورت کو مع بچے کے لایا

بت کے سامنے ، اور آگ شعلہ زن تھی

اس نے اس سے بچے کو چھینا اور آگ میں ڈال دیا

عورت ڈری اور دل کو ایمان سے ہٹایا

اس نے چاہا کہ وہ بت کے سامنے سجدہ کرے

بچہ چیخا کہ میں مرا نہیں

اماں! اندر آجا میں اس جگہ اچھا ہوں

اگرچہ بظاہر آگ میں ہوں

آگ نظر بندی کے لیے ایک پردہ ہوں

(ورنہ) یہ ایک رحمت ہے جو رونما ہے

ماں ! اندر آ سچائی کی دلیل دیکھ

تاکہ تو خاصانِ خدا کے عیش کو دیکھے

اندر آ اور آگ کی صورت کا، پانی دیکھ

اس دنیا سے جس کا پانی (بھی) آگ جیسا ہے

اندر آ حضرت ابراہیم کے راز دیکھ

جس نے آگ میں گلاب اور چنبیلی کے پھول پائے

تجھ سے پیدا ہونے کے وقت مجھے موت نظر آرہی تھی

تجھ میں سے نکل پڑنے کا مجھے بہت ڈر تھا

جب میں پیدا ہوا تنگ قید خانہ سے چھوٹا

اچھے مقام اور اچھے رنگ کی دنیا میں (آگیا)

اب میں ! اس دنیا کو رحم کی طرح سمجھتا ہوں

جب میں نے اس آگ میں یہ سکون دیکھا

میں نے اس آگ میں وہ دنیا دیکھی

جس میں ایک ایک ذرہ عیسٰی کے دم کی طرح ہے

اب ایک دنیا ہے بظاہر معدوم ، دراصل موجود

اور وہ دنیا کی موجودہ شکل ناپائیدار ہے

ماں! اندر آ مادری حقوق کا واسطہ

دیکھ یہ آگ، آگ کی تاثیر نہیں رکھتی ہے

ماں! اندر آ کہ خوش قسمتی آگئی ہے

ماں! اندر آ دولت کو ہاتھ سے نہ دے

تونے اس کتنے کی طاقت دیکھ لی ، اندر آ

تاکہ تواللہ کی قدرت اور مہربانی دیکھ لے

میں محبت کی وجہ سے تیرا پیر کھول رہا ہوں

(ورنہ) خوشی کی وجہ سے مجھے تیری پروا نہیں ہے

اندر آجا ، اور دوسروں کو بھی بلا لے

کیونکہ آگ میں شاہ نے دستر خوان بچھا دیا ہے

اے لوگو! سب کے سب پروانوں کی طرح اندر آ جاؤ

اس آگ میں جس میں سینکڑوں بہاریں ہیں

اے مسلمانوں ! سب اندر چلے آؤ

دین کے میٹھے پانی کے علاوہ سب عذاب ہے

اس جماعت میں وہ پکار رہی تھی

لوگوں کی جان عظمت سے پر ہو رہی تھی

اس کے بعد بے خود ہو کر لوگ اپنے آپ کو

مرد و عورت، آگ میں ڈال رہے تھے

دوست کے عشق کی وجہ سے کسی کے بلانے اور کشش کے بغیر

اس لئے کہ ہر تلخ کا شیریں کردینا اس کی ہی جانب سے ہے

یہاں تک ہوا کہ وہ سپاہی لوگوں کو

منع کرتے تھے کہ آگ میں نہ آؤ

وہ یہودی سیہ رو اور شرمندہ ہوگیا

دل کا بیمار، اس وجہ سے پشیمان ہو گیا

کہ لوگ آگ میں گرنے کے اور زیادہ عاشق ہو گئے

جسم کو فنا کرنے میں اور سچے ہو گئے

شکر ہے، شیطان کا مکر اسی تو چمٹ گیا

شکر ہے ، شیطان نے اپنے آپ کو بھی کالا منہ دیکھا

(وہ سیاہی) جو وہ لوگوں کے منہ پر ملتا تھا

ان کمینوں کے چہروں پر اکھٹی ہو گئی

جو تیزی سے لوگوں کی جامہ دری کرتا تھا

اس کا جامہ چاک ہوگیا ، ان کا درست ہو گیا