بیان آنکہ کشتن و زہر دادن مرد زرگر بہ اشارت الہی بود نہ بہوائے نفس و تامل فاسد

اس بیان میں کہ سنار کو مارنا خدائی!اشارہ پر تھا ، نہ کسی برے خیال سے

اس مرد کا ، طبیب کے ہاتھ سے ہلاک ہونا

نہ کسی امید کی بناء پر تھا، نہ کسی خوف سے

اس نے بادشاہ کی خاطر سے اسے قتل نہیں کیا

جب تک کہ اللہ کی طرف سے حکم اور الہام نہ آیا

وہ لڑکا خضرؑ جس نے گلا کاٹا تھا

اس کا بھید عام مخلوق نہیں سمجھ سکتی

جو شخص اللہ کی جانب سے وحی اور خطاب پاتا ہے

وہ جو کچھ کہتا ہے بالکل درست ہوتا ہے

جو جان عطا کرتا ہے اگر قتل بھی کرے تو جائز ہے

وہ (اللہ کا) قائم مقام ہے اور اس کا ہاتھ خدا کا ہاتھ ہے

حضرت اسماعیل کی طرح اس کے سامنے سر جھکا دے

اور ہنسی خوشی اس کی تلوار سے قتل ہو جا

تاکہ تیری روح ہمیشہ خوش رہے

جس طرح کہ احمد (مجتبیٰ) کی روح پاک اللہ کے ساتھ

عاشق خوشی کا جام اس وقت پیتے ہیں

جب کہ معشوق اپنے ہاتھ سے ان کو قتل کرتے ہیں

وہ خون بادشاہ نے شہوت کی خاطر نہیں کیا

تو (اس معاملہ میں) بدگمانی اور جھگڑے کو چھوڑ دے

تو نے یہ گمان کیا کہ وہ خواہش نفسانی سے ملوث تھا

(لیکن) صاف میں صفائی کھوٹ کو کب چھوڑتی ہے

یہ محنت اور مشقت تو اس لیے ہے

کہ بھٹی چاندی سے میل کو نکال دے

کھرے اور کھوٹے کا امتحان اس لئے ہے

تاکہ وہ جوش میں آئے اور سونا اپنا میل اوپر لے آئے

اگر اس کا کام خدا کے الہام سے نہ ہوتا

تو وہ پھاڑ کھانے والا کتا ہوتا ، بادشاہ نہ ہوتا

وہ شہوت اور حرص و ہوس سے پاک تھا

اس نے اچھا کیا لیکن اچھا بظاہر برا

اگرچہ خضرؑ نے سمندر میں کشتی توڑ دی

(لیکن) خضر کے توڑنے میں سو درستیاں تھیں

باوجود تمام نور ہنر کے موسیٰ کا خیال

اس تک نہ پہنچا، تو بھی بے پر کی نہ اڑا

وہ سرخ پھول ہے تو اس کو خون نہ کہہ

وہ عقل سے مست ہے تو اس کو دیوانہ نہ سمجھ

اگر مسلمان کا خون بہانا اس کا مقصود ہوتا

تو میں کافر ہوتا اگر اس کا نام بھی لیتا

بد بخت (اور سنگدل) کی تعریف سے عرش لرزتا ہے

اور اس کی تعریف سے پرہیزگار بدگماں ہوجاتا ہے

وہ بادشاہ تھا، اور بہت باخبر بادشاہ تھا

وہ خاص تھا اوراللہ تعالیٰ کا مخصوص تھا

وہ آدمی جس کو ایسا بادشاہ قتل کرتا ہے

اس کو تخت اور بہترین مرتبہ عنایت فرماتا ہے

اگر (اللہ تعالیٰ) اس کا فائدہ قہر میں نہ دیکھتا

تو وہ سراپا لطف و کرم، قہر کیوں کرتا

پچنے لگانے کی تکلیف سے بچہ تو لرزتا ہے

(لیکن اس کی) مہربان ماں اس تکلیف سے خوش ہوتی ہے

وہ آدھی جان لیتا ہے تو سو جانیں دیتا ہے

(بلکہ) اتنا دیتا ہے کہ جو تیرے خیال میں بھی نہیں آ سکتا

تو اپنے اوپر قیاس کرتا ہے ، لیکن

تو غور (حقیقت سے) بہت دور جا پڑا ہے