مرحبا اے بلبلِ باغ کہن

آؤ آؤ اے بلبل پرانے باغ کی

خوشنما گل کی بات ہم سے کہہ

شاباش اے ہمارے تیز زبان قاصد

تو ہر دم ہمارے یار کی خبر دیتا ہے

کیا کہنے ہیں تیرے اے مبارک شگون ہدہد

کیا خوب ہے تو اے شیریں گفتار طوطی

ایک دم میں تو سات آسمانوں کو طے کرتی ہے

حرص اور ہوا کے گھوڑے کو پامال کرتی ہے

ہر دم تو دل میں چراغ روشن کرتی ہے

ہر دم تو عشق سے سینہ کو داغ دار کرتی ہے

تجھ سے میرے تن کی فانوس روشن ہوئی

تجھ سے محبوب کا وصل مجھ کو نصیب ہوا

واہ واہ اے دین کی راہ کی رہنما

تجھ سے میری یقین کی آنکھ روشن ہوئی

جسم نے پاکیزہ خو تجھ سے پائی

آدم خاکی تیرے سبب سے پریشان ہوا

تیری کیا تعریف کی جائے اے موجودات کی فیض بخشنے والی

تیری ذات سے جسم نے زندگانی پائی

تو خدا کی پاک ذات کے سمندر میں غرق تھی

یہ تاریک خاک تجھ سے کس کے لئے روشن ہوئی

اے کہ تولا مکان کی چار دیواری میں تھی

تو کیوں جدا ہوئی یہ پوشیدہ بھید بتا

تو حریم کبریا میں پاک تھی

کس سبب سے تجھ میں یہ حرص و ہوا پیدا ہوئی

بڑی خوشی کے ساتھ آئی تو نیستی کے پردے سے

بڑی خوشی کے ساتھ تو نے ہستی کے سر پر قدم رکھا

کبھی تو دو زخ میں جاتی ہے اور اس کو اپنی قیام گاہ بناتی ہے

کبھی اے خوش رفتار تو جنت میں جاتی ہے

کبھی تو نیستی کی ولایت میں جلوہ کرتی ہے

کبھی زندگی کے ملک کے جہان میں جاتی ہے

میری پیاری تو مجھ سے اپنے بھید کہہ

دل کی آنکھ صورت سے روشن کر

خدانے تجھ کو اس قسم کی چیزوں سے پیدا کیا جو نظر نہیں آتیں

تجھ سے جہان میں شور مچ رہا ہے

اے راز دار ہم سے بات کھلم کھلا صاف صاف کہہ

اصل کا نقشہ دکھلا کر شور مچوا دے اس بے بنیاد عالم میں

اس ملعون نفس کے سر پر خاک ڈال

دل کی آنکھ کو یقین کی روشنی سے روشن کر

محبوب کا عکس آئینے کی طرح دکھا

تاکہ یار کے رخسار کا جلوہ نظر آوے

دل کے آئینے کو غبار سے صاف کر

اس بے قرار کے دل میں عشق کی آگ بھڑکا

اے راستی کی راہ کے رہنما راستہ دکھلا

اس لئے کہ تو حقیقت کی طرف راستہ دکھلانے والی ہے

اگر تو طلب کرنے والوں کی مددگار نہ بنے

طلب کرنے والے ہر گز پیر کا ہاتھ نہ پکڑیں

تجھ سے میرے ایمان کا ستارہ روشن ہوا

پردے اٹھا دے رخ سے جان میری

خوش گفتار بلبل بولی

کہا سن تاکہ میں بھیدوں کو بیان کروں

خدا نے مجھ کو اپنی ذات کے نور سے پیدا کیا

تاکہ اس کی ذات کو صفات سے پہچانوں

میں وحدت کے باغ میں بے نشان تھی

جب دنیا میں آئی تو ظاہر ہوئی

تو کچھ جانتا ہے کہ اس پردے کے پیچھے کون ہے

چنگ کا نغمہ اور رباب اور عود کیا ہے

خدا نے اپنےحسن کی طرف موجود نہ ہونے کی نظر سے دیکھا

خود جلوہ کیا ہستی کے ملک میں

میرے رب کے حکم نے میرا نام روح کیا

ساقی وحدت نے میرا پیالہ پُر کیا

میں ہمیشہ اس کے ساتھ عش بازی کرتی ہوں

آدم نے عشق کے طفیل سے مقصد پایا

کمال کا سورج ہر ذرے پر چمکا

اس کے جمال سے جلال ظاہر ہوا

وہ کہ خدا کے غضب سے پلید ہوا

اس نے شیطان کی طرح بہتری کا چہرہ نہ دیکھا

جو کہ جمال سے پیدا ہوا

وصال (قرب خدا) کی محفل میں راہ پاتا ہے

وہ جو کہ پیدائش کے روز چل چکا قلم

اس کے بعد لکھا ہوا حرف نہ مٹے گا

اے مرد فقیر زہد و تقویٰ کیا ہے

بادشاہ اور امیر سے بے طمع ہونا

پانی اور روٹی کے لئے در بدر نہ پھرے

اپنی آبرو زر کے لئے نہ گرائے

دولت مندوں کی صحبت کو ترک کرے

گوشہ اختیار کرے تاکہ خلل میں نہ پڑے

بادشاہ کے دروازے پر مت جا اس کا منہ مت دیکھ

خزانہ قارون کا اگر دیوے تو بھی اس کی طرف مت دیکھ

اگر فاقہ کے سبب سے جان پنجرۂ تن سے نکل جاوے

مکھی کی طرح اپنا ہاتھ کسی کی روٹی پر مت مار

تلخی بہتر ہے میٹھا شربت گلاب ملامت چکھ

کمینوں کے آگے روٹی کےلئے ذلت مت کھینچ

قناعت کے دستر خوان پر ہاتھ مار

تاکہ تجھے خدا کی نافرمانی کی قدرت نہ ہو

قناعت کے گوشہ میں سر جھانک کر بیٹھ

تنہائی کے گوشے سے قدم باہر نہ رکھ

کیکاؤس کے تخت کو ٹھوکر مار

سر دے دے لیکن ہاتھ سے آبرو کو نہ دے

اگر نقد کا خزانہ تیرے ہاتھ آجاوے

لیکن تو بلند حوصلہ نہ رکھتا ہو کیا فائدہ ہوگا

دنیا کی محبت سے پرہیز کر پرہیزکر

روٹی اور زر کے لئے جگر کا خون مت پی

بخیل ہر گز نہیں دیکھتے ہیں بہتری

اس لئے کہ اپنی ہمت کی تھیلی خالی رکھتے ہیں

اپنی آبرو ریزی کرتے ہیں واسطے چاندی اور سونے کے

بخیلوں کو بیل اور گدھے کے مانند شمار کر

کم ہمت آدمی نظر میں حقیر ہے

اگر چہ سو ہزار رکھتا ہو خوار و ذلیل رہتا ہے

لوگ دلربائی کے سبب سے اس کے مطیع ہوتے ہیں

حلقہ وار آسمان پر سر بلند کرتا ہے

جو کہ عالی ہمت اور سخی ہوتا ہے

خدا اس کے گناہوں کو معاف کرتا ہے

اے مرد فقیر زہد اور تقویٰ کیا ہے

بادشاہ اور امیر سے بے طمع ہونا

یہ زہد و تقویٰ نہیں ہے کہ لوگوں کے لئے

تو صوفی بنے اور پرانے گدڑی پہنے

کنگھا اور مسواک اور مکر کی تسبیح

جبہ اور عمامہ اور دل صفائی سے خالی

نالائق مرید آگے اور پیچھے پھرتا ہے

پانی اور چارے کے لئے احمق گدھے کی طرح

جب کہ تو چند لوگوں کو بیہودہ پھرنے والا دیکھتا ہے

اپنبے آپ کو کہتا ہے کہ میں بہادر مرد ہوں

تو جال لگاتا ہے مرد اور عورت کےلئے

اپنے آپ کو کہتا ہے میں زمانے کا شیخ ہوں

وعظ کہتا ہے خود عمل میں نہیں لاتا

مکار شیطان کی طرح چشم پوشی کرتا ہے( وعظ و نصیحت سے)

مکر اور فریب اور دکھاوا تیرا کام ہے

ہر دم شیطان تیرا یار ہے

جب تو نماز کے لئے کھڑا ہوتا ہے

دل گائے اور گدھے میں ہوتاہے اے حیلہ کرنے والے

جب کہ تیرے ایمان میں آخر قصور پڑتا ہے

بھلا اے بے شعور تو ایسی نماز کیوں پڑھتا ہے

جب کہ تو جا نماز پر قبلے کی طرف من کر کے بیٹھا ہے

آنکھ تو بند کرتا ہے دل دوسری جگہ گروی ہوتا ہے

خادم کہتے ہیں کہ یہ شیخ زمانے کا

لوگوں اور جہان سے آنکھیں بند کئے ہے

شیخ کی منزل لاہوت ہے

فنا ہوا ہے ذات بقا ا س کو حاصل ہوئی ہے

یہ چند احمق تعریف کرنے والے

راہ مار ہیں راہ ہیں راہ مار ہیں

تعریف سے اپنے آپ کو گمراہ نہ کر

اپنا عیب دیکھ لوگوں کا عیب مت کر

اے کہ تو گرفتار ہے نفس امارہ کی قید میں

اے نفس کافر کو قتل کر توڑ پنجرا

تاکہ تو اپنی اصل کی طرف پرواز کرے

اپنے وصل کے آشیانے میں جگہ کرے

کب تک تو اپنے مکان سے جدا رہے گا

کب تک دربدرا ے بے شرم مارا پھرے گا

تو خود ہی انصاف کر اے فریبی

کہ دل بھرا ہوا ہےمکرسےاور قرآن ہے بغل میں

تیرے ساتھ ہمراز ہے شیطان ہر گھڑی

تو کب ہوگا خد اکی رہ میں ثابت قدم

دنیا کی محبت تیرے لئے جنیو کا ڈورا ہے

راہ خدا سے تمہیں روکنے والا تیری داڑھی اور پگڑی ہے

دل کبھی حرص و لالچ سے پاک نہیں ہوا

تونے کبھی دل کو موجود کرکے نماز نہ پڑھی

تو نے کبھی سچے دل سے سجدہ نہ کیا

تاکہ رحمت کے دروازے تجھ پر کشادہ ہوں

عاجزی سے کبھی تو نے سر نہ گھسا زمین پر

تو اندھا ہے اور یقین کی آنکھ دیکھنے والی نہ ہوئی

تو عبادت کرتا ہے دکھاوے کے لئے

تو نے کبھی خدا لئے سجدہ نہیں کیا

تاکہ لوگ جانیں ولی مرد ہے

متقی اور پرہیزگار اور پارسا ہے

تو دعویٰ کرتا ہے کہ میں صوفی ہوں اور سینہ صاف نہیں رکھتا ہے

اپنی کرامتوں کی اے شیخ ڈینگ مت مار

نفس کافر طریق تیری گھات میں لگا ہے

پس تو اے ملعون شہرت کے لئے بیٹھتا ہے

تو دعا کے لئے ہاتھ پھیلاتا ہے

دکھاوے کی عبادت کی مزدوری چاہتا ہے

تو مکر سے دنیا کے لوگوں کو اپنا تابع کرتا ہے

یہ کہہ کر کہ کل قیامت میں تمہارا شفیع ہوں گا ان کو تسلی دیتا ہے

اپنے آپ کو شیخ بتاتا ہے اور تسبیح ہاتھ میں لئے ہے

اور اے بت پرست سو بت پوشیدہ تو رکھتا ہے

ایک دل رکھتا ہے اور ان میں سو آرزوئیں ہیں

دل کا چاک سو جگہ تیرے ہاتھ سے رفو کیا ہوا ہے

اے تیرا رخ دشمنی اور غرور سے آراستہ ہے

دوروئی اور حسد سے سنوارا ہے

اے نادانی سے بھرے ہوئے برے اور ناپاک

تو اپنے آپ کو کہتا ہے کہ میں بایزید کے مانند ہوں

تو گھمنڈ سے ہر طرف نظر کرتا ہے

اور اس پر اپنے آپ کو کہتا ہے کہ میں باخبر ہوں

تو بت کو پوجتا بھی ہے اور بت کو بناتا بھی ہے

تیرا دل آزر کے بتوں کو شرمانے والا ہے

تو بت کو توڑ دال اور بت خانے کو ڈھا دے

حضرت ابراہیم کی طرح کعبہ تیار کر

تو کب تک اصل اور نسب پر گھمنڈ کرتا رہے گا

ارے گستاخ غرور سے دور ہو

تو بوڑھا ہوگیا ہے اور سو آرزوئیں دل میں رکھتا ہے

تو نادان ہے گدہے کی طرح مٹی اور کیچڑ میں دھنسا ہے

ہرگز تیری آرزوئیں کم نہیں ہوتیں

تیرے حرص و ہوا کا قد جھکتا نہیں

جب کہ دل حرص و ہوا سے آلودہ ہے

خدا کے بھید ہر گز تم پر نہیں کھلیں گے

اے بیہودہ بکو اسی سو آرزوئیں تیرے دل میں ہیں

خدا کا نور تیرے دل میں ہرگز نزول نہیں کرے گا

دین اور دنیا دونوں کب ہاتھ آسکتی ہیں

اے خود پرست یہ زیادتیاں مت کر

تجھے ترا حصہ ملتا ہے اے بے خبر

پھر تو قناعت کیوں نہیں کرتاہے خشک و تر پر

تیری حرص نے قناعت کی گدڑی چاک کر ڈالی

نفس امارہ نے تجھے آوارہ کر دیا

دنیا بوڑھی عورت ہےاور فریب سے بھری ہے

بوڑھے اور جوان کے بے صبر نباتی ہے

خدا شناسوں نے اس کو سو طلاقیں دیں

جو اس پر عاشق ہوا خدا کا نا فرمان ہوا

یہ بات اے جوان کان میں رکھ

کہ حضرت مولانائے روم نے تجربے کی بات کی ہے

تو خدا کوبھی چاہتا ہے اور کمینی دنیا کو بھی

یہ صرف خیال ہے اور محال ہے اور دیوانگی ہے

دین کے واسطے حضرت علی دنیا سے بیزار ہوئے

وہ علی کہ حضرت نبی کے ملک کے حاکم ہوئے

وہ حضرت محمد مصطفے کے وصی اور خدا کے شیر

وہ حضرت علی پرہیزگار بی بی حضرت فاطمہ کے خاوند

بوڑھی دنیا کو اس لئے ٹھوکر ماری

تاکہ ولیوں کے نکاح میں نہ آوے

اس نالائق یزید نے دنیا کے لئے

اپنے دین کو اس کے لئے برباد کیا

بوڑھی دنیا اس کے نکاح میں آئی

اس نے اس سیدکے خون کو اپنے اوپر رواکیا

بوڑھی دنیا نے جب ایسے شخص کی مدد دی

دونوں جہان میں اس کو پائمال کیا

تو یزید کے خوان کا بچا ہوا کیوں کھاتا ہے

اپنے تالو کو یزید کی روٹی سے تلخ کر

اگر دنیا کے چہرے سے پردہ الٹ جاوے

تو اس حیلہ کرنے والی بڑھیا سے نفرت کرے

جب کہ اس کا بد صورت چہرہ نظر آوے

اے بے خبر تو خدا سے پناہ چاہے

وہ آگ دور سے باغ ایسی نظر آتی ہے

اور سچ مچ بالکل بھاڑ ہوتی ہے

مال اور جائداد تجھ کو مغرور بناتے ہیں

اگر تیرے پاس کچھ نہ ہو تو مفلسی کی شکایت مت کر

دولت مندوں کے دلوں میں رحم نہیں ہے

دولت مندوں کا طریقہ مکر و فریب ہے

دنیادار چاندی اور مال اور سونے کے لئے

اگر ہاتھ آوے تو جگر کا خون پیتے ہیں

تو نے وہ سنا ہے کہ عزت اور مرتبے کے لئے

حضرت یوسف کو بیخطا کنویں میں ڈالا

حسد کے سبب سے بھائیوں کی بے رحمی دیکھ

حضرت یوسف کنعانی کی خراب حالت پر نظر کر

اگر تیرے سر پر سونے کا تاج ہوگا

تو تکبر کے سبب سے کوئی تیری نظر میں نہ آوے گا

بلکہ تو نمرود کی طرح سے خدا سے منہ پھیرے گا

اپنے آپ کو گم کرے گا اور روز جزا سے نہ ڈرے گا

حرص مال و زر سے بڑھتی ہے

بیٹھے اور باپ کی محبت دولت کی محبت میں کٹ جاتی ہے

بادشاہوں کو دیکھ کہ مال کے لئے

بھائیوں اور پاب کا خون حلال جانتے ہیں

تو نے کسی جگہ ایک بے سرو سامان فقیر کو دیکھا ہے

کہ اس نے فرعون کی طرح خدا سے روگردانی کی ہے

دولت غرور پیدا کرتی ہے بے دین بناتی ہے

نفس کافر کو کفر کا سبق پڑھاتا ہے

خدا کے دوست کہ اس سےبیزار ہیں

تو جانتا ہے کہ اس میں کیا راز کی بات ہے

دنیا کی محبت جب کہ دل پر نظر کرتی ہے

دل سخت پتھر کی طرح سخت اور سیاہ ہوجاتا ہے

یقین کی روشنی سے آنکھ اندھی ہوجاتی ہے

اس کے بعد دین کے دروازے بند ہوجاتے ہیں

عبادت کے لئے حلال لقمہ درکار ہے

تاکہ تجھے رنج و ملال نہ بڑھادے

شبہے کا نوالہ جب پیٹ میں پڑتا ہے

اس کی قوت اصل مدعا کو کم کر دیتی ہے

جب کہ تو اے نادان حرص کا نوالہ چاہتا ہے

تونفس امارہ حرص کا منہ کھولتا ہے

اگر یہ حیلہ گرتجھ پر قدرت پاتا ہے

تو ظلم کے لئے ہاتھ دراز کرتا ہے

جب کہ وہ ملعون نفس شہوت کی آنکھ کھولتا ہے

یقین والوں کی آنکھ اندھی ہوجاتی ہے

غرور کی طرح تجھ کو بدنام کرے گا

حرص و ہوا کی خواہش پیدا کرے گا

پس علم و عمل تیرے کام نہ آئے گا

اور مکرسے تیرے ایمان میں خلل پڑے گا

یہ نا فرمان نفس جب تک کہ تیرے ساتھ رہے گا

دوزخ کی آگ تیری جان کی گھٹانے والی ہوگی

اگر تو مرد ہے تو نفس کافر کو مار ڈال

اور اگر یہ قدرت نہیں رکھتا ہے تو خاموش بیٹھ

اگر تو دیندار لوگوں کی سی ہمت نہیں رکھتا ہے

جا عورتوں کی طرح پردے کے پیچھے بیٹھ

اگر تیرے ہاتھ سے مرد کا کام نہ ہوسکے

ہجڑوں کی طرح مردوں کے پیچھے مت پھر

اے مخنث نہ تو مرد ہے نہ عورت

شیطان کی طرح مردوں کی راہ مت مار

مرد کو چاہئے کہ نفس پر قدم رکھے

شہوت اور حرص اور ہوا کو ترک کرے

ہمت کا ہاتھ اونچا بلند کرے

نفس کو شکار کی طرح کمند میں لا دے

ہاتھ کو ہوس سے کوتاہ کرے

ہمت کے پنجے سے اس نفس امارہ کے پنجرے کو توڑ دے

اگر تو ایک لقمہ حلال کمائی کا کھائے گا

کمال کے آفتاب سے دل پر نور چمکے گا

اگر تو شبہے کے لقمے سے نفرت کرنے والا ہوگا

نفس امارہ کو خدا کے فضل سے قیدی بنائے گا

دل نور سے آئینہ کی طرح روشن ہوگا

محبوب کا عکس دل کے آئینے میں نظر آئے گا

جب اے صاحب یقین تو آنکھ کھولے

ہر طرف یار کا روشن جمال دیکھ

تو ہر آئینے میں یار کو دیکھتا رہ

اس کا ہی سوز و ساز ہے ہر آواز میں

جو کچھ کہ نیکی اور بدی سے نظر میں آوے

اے بے خبر سب کچھ وہ ذات حق ہے

وہی ہے زمین اور آسمان اور لامکان میں

وہی ہے ہر ذرے میں ظاہر اور پوشیدہ

اے عاقل اپنے نفسوں کی نگہبانی کر

تاکہ تجھ کو یہ قافلہ منزل پر لے جاوے

وہی ہے ظاہر اور پوشیدہ اور کھلم کھلا

محبوب نے ہر چیز میں جلوے کئے ہیں

اے مرد خدا ہر دم ہوشیار رہ

ایک دم بھی خدا سے جدا مت ہو

ماسوا کی اپنے دل سے نفی کر

تاکہ تیرے دل میں خدا کے سوا نہ سماوے

دل کے مورچے کو لاکی صیقل سے پاک کر

سینے کو محبت کی تلوار سے چاک کر

جب کہ اس کی ذات کے نام نے دل پر نقش باندھا

محبت کی ٹکسال کا سکہ خوبی کے ساتھ بیٹھا

جب کہ دل کے نقش پر خدا کا نقش ہوا

اے دل خدا کے نقش کے سوا کسی کا نقش مت چاہ

جب کہ تو خدا کی یاد سے فانی ہووے گا

خدا کی بارگاہ میں راہ پائے گا

جب تو خدا کے ساتھ رہے گا اس کا قرب پائے گا

پس اپنے آپ کو اے صاحب کمال گم کر

جو کہ خدا شناسی کے سمندر میں تیرنے والا ہوا

ذرہ ذرہ قطرے کو خدا کے جانتا ہے

دریا کا پانی جب کہ دوسری موج مارتا ہے

حقیقت میں وہی پانی جلوہ گر ہوتا ہے

نفس پانی ہے اور جسم تیرا مانند بلبلے کے ہے

جب کہ توپانی ہوجائے گا تو تیرا یہ جسم باقی نہ رہے گا

جس طرح الف لام میں ہوجاتا ہے پوشیدہ

تو اپنے آپ کو گم کرتا کہ ذات حقیقت ظاہر ہووے

جب کہ نہر کا پانی دریا میں پہونچا

پھر نہر کے پانی کو دریا میں مت ڈھونڈھ

جب تک کہ تو ہے کب یار تیرا یار ہووے گا

جب تو نہ رہے گا یار تیرا یار ہوجاوے گا

مولانائے روم نے فرمایا نظم میں یہ بیان

یہ پوشیدہ بھید تجھ پر روشن ہووے

تو ہرگز مت رہ کمال کا درجہ یہی ہے اور بس

تو اس میں گم ہوجا وصال کا درجہ یہی ہے اور بس

سن مجھ سے اگر تو ہوشیار ہے

میں تجھ سے یہ بات کہتا ہوں تو کان لگا

جس نے مجھ عاشق کی یہ نصیحت سنی

بے شک محبوب کی محفل میں پہونچا

جو کہ اپنے سے بیزار ہوا

بے شک وہ بھیدوں کا راز دار ہوا

جس نے کہ اس کے کوچے میں اپنا سر دیا

دیکھتا ہے سو بار محبوب اس کی طرف

ایک نگاہ اگر میری طرف محبوب کردے

اس ایک جان کی کیا حقیقت اگر سو جانیں ہوں تو نچھاور کردوں

ہم عاشق دیوانے اور سر گشتہ ہیں

یار کو ڈھونڈتے دربدر پھرتے ہیں

جب کہ اس کی خوشبو سے ایک مہک سونگھوں گا

بے خبر متوالا اس کے کوچے میں جاؤں گا

سنبل اس کی زلف سے پیچدار بنا

لالہ اس کے رخسار سے داغدار ہوا

سوسن اس کے وصف میں سو زبان نکالے ہے

غنچہ سو شوق کے ساتھ اپنا پیراہن پھاڑے ہے

نرگس بیمار نے باطن کی آنکھ کھول کر

سونے کا پیالہ چاندی کی ہتھیلی پر کھا

سرو کا درخت اس کی زیبا قد سے

سر سے لے کر پاؤں تک سر سبز و شاداب ہوا

بلبل اور قمری باغ میں نوحہ گر ہیں

ہر ایک دوسری بولی بولتا اور دوسرے اقرار کو ظاہر کرتا ہے

اس سے ہر طرف شور و غوغا مچا ہے

زبان پر اسی کا ذکر جاری ہے

میں نے یہ چنگ اور رباب کا نغمہ سنا

دل کے سوز سے سینہ بھن کر کباب ہوگیا

مطرب نے گانے کے شوق سے جب باجا بجایا

اس نغمہ کو سوز دل کے ساتھ گانا شروع کیا

تو ہر آئینہ میں یار کو دیکھتا ہے

اس کے ساز کا سوز ہر آواز میں ہے

جو کچھ کہ دیکھے حقیقت میں سب وہی ہے

شمع اور گل اور پروانہ اور بلبل سب اسی سے ہے

جو کچھ چھوٹی اور بڑی چیز نظر آتی ہے

جنگل کا الو باغ اور گل کی بلبل

خدا شناسوں کے لئے خوشنما کیا بد نما نفس

ہر نیک و بد کی صورت خود اسی کی لکھی ہے

مرغ اور مچھلی سانپ اور چیونٹی اور شیر ببر

چشمۂ حیات اورمینہ اوربجلی اور بادل

سخت پتھر اور لعل اور یاقوت اور موتی

تاریک رات کی تاریکی چاند اور سورج کی روشنی

جو کچھ ہے پانی اور آگ اور ہوا اور خاک

اس نے سب کو اپنی قدرت پاک سے پیدا کیا

ایسا قدرت والا کہ اس نے پانی کی بوند سے

آبدار موتی سیپی میں نقش باندھا

جان کا گوہر اس کی روشنیوں کی نکلنے کی جگہ ہے

جان کی کان اس کے بھیدوں کا خزانہ ہے

یار تجھ میں ہے پس تو کیوں بے خبر ہے

یار خود تجھ میں ہے تو کس لئے دربدر پھرتا ہے

اے نام و نمود کی قید میں گرفتار

ناموس کے شیشے کو پتھر پر توڑ

وہ تجھ میں ظاہر ہے اور تو اپنے سے بے خبر ہے

اچانک موت آکر کہنے والی ہے کہ اُٹھ

یکبار گی تو اٹھ کر غار میں پڑے گا

قیامت کے روز شرمندہ قبر سے اٹھے گا

یکبارگی تیری قبر سے نکلے گی یہ آواز

آہ حسرت ہے حسرت ہے بڑی حسرت

افسوس ہے کہ تو اندھے کی طرح جاوے

اندھا اور بہرا اٹھے اور بدنام ہووے

اے حضرت آدم کے بیٹے بس کر نالائق کام سے

کب تک تو بیگانہ رہے گا ہوش میں آ

اے بوالہوس اپنی حالت پر رحم کر

خدا کی طرف رجوع کر اور ہر دم توبہ کر

تو خداسے ہردم جھوٹ بولتا ہے

جھوٹ سے تیرا کیا فروغ ہوگا

ہر دم کہتا ہے کہ میں توبہ کرتا ہوں

غیروں کی جڑ دل سے اکھاڑتا ہوں

جب کل ہوگی تو کام نئے سر سے شروع کریں گے

اس کے عشق کے کانٹے سے دل کو زخمی کریں گے

دل کے چہرے کو توبہ کے پانی سے دھوؤں گا

پھر دل کے خون سے وضو کرکے نماز ادا کروں گا

اپنے نفس امارہ کو گو شمالی دوں گا

ہوا اور خودی سے آزاد ہوں گا

جب رات آتی ہےتو یہ سب عہد و پیمان توڑ ڈالتا ہے

دل اس مطلب کے ڈھونڈھنے کے در پے ہوتا ہے

اب جو کچھ کہ کم اور زیادہ ہے اس سے در گذر کروں

خلاصہ یہ ہے کہ تو اپنے بیہودہ مکروں سے دل کو دھو

چاند صورت ساقی اور خالص سرخ شراب

اور گویا اوررباب کی الاپ یہ سب دل لے جانے والے ہیں

معشوق خورشید صورت تیز خو

دل کا لے جانے والا ہے دین کا غارت کرنے والا ہے حیلہ باز ہے

اگر تیرے ہاتھ آ جائے تو اس کو اپنی آغوش میں لیتا ہے

ہر کڑوے اور میٹھے شربت کو تو چکھتا ہے

اگرخوشی کا سامان موجود ہووے

تو رات کے وقتوں کو بے پرواہی سے خرچ کردیوے

اور اے فقیر اگر تجھ کو یہ چیزیں نہ حاصل ہوں

تو تُو صبح تک اس غم میں مبتلا رہے

اگر ہاتھ نہ آئے تو دل کا خون کھائے

سچ کہا ہے کی بی بی کی پاکدامنی چادر نہ ہونے کی وجہ سے ہے

اے عہد کے توڑنے والے کیوں تجھے شرم نہیں آتی

پھر چاہتا ہے اپنی مراد

تو عمر بھر اپنی خام طبعی سے سرمارتا پھرتا ہے

بلکہ سچ پوچھئے تو ملعون ابلیس سے کمتر ہے

بدکار نفس نے ناپاک کتے کی طرح

تیرے ایمان کے ہاتھ کو دانتوں سے کاٹا