دفع گفتن وزیر مریداں را

وزیر کا اپنے مریدوں اور متبعین کو دفع کرنا

اس نے کہا ، خبر دار ! اے گفتگو کے پابندو!

وعظ اور کان، گفتار اور زبان کے تلاش کرنے والو

حسی کان کے اندر، روئی ٹھونس تو

اپنی آنکھ سے ، ظاہری رکاوٹ دور کرو

باطنی کان کی روئی، سر کا کان ہے

جب تک یہ بہرا نہ ہو باطن باہر ہے

بے حس اور بغیر کان کے اور بے فکر ہو جاؤ

تاکہ ارجعی کے خطاب کو سنو

جب تک تو بیداری کی گفتگو میں ہے

تو خواب کی گفتگو سے کب خوشبو حاصل کر سکتا ہے؟

ہمارا فعل اور قول بیرونی سیر ہے

باطنی سیر آسمانوں پر ہے

حس نے خشکی دیکھی ہے چونکہ وہ خشکی سے پیدا ہوئی

جان کے موسیٰ نے دریا پر قدم دھر دیا

خشک جسم کی سیر خشکی پر ہوئی ہے

جان کی سیر نے دریا کے دل پر پیر دھر دیا ہے

چونکہ عمر خشکی کے راستہ میں کٹی ہے

کبھی پہاڑ، کبھی جنگل اور کبھی میدان میں

تو آب حیات کو کب پا سکے گا ؟

دریا کی موج کو کب چیر سکے گا؟

خاکی موج، ہماری سمجھ ، ہمارا وہم اور ہماری سوچ ہے

آبی موج محویت اور سکر اور فنا ہے

جب تک تو اس سکر میں ہے اس سکر سے دور ہے

جب تک تو اس سے مست ہے ، اس جام سے نفرت کرنے والا ہے

ظاہری گفتگو ، غبار کی مانند ہے

کچھ مدت چپ رہنے کی عادت ڈال، ہوش میں آ