جواب خرگوش نخچیراں را

خرگوش کا شکاروں کو جواب دینا اور مہلت چاہنا

اس نے کہا اے دوستو ! مجھے خدا نے الہام کیا ہے

ایک کمزور کی سمجھ میں مضبوط رائے آگئی ہے

اللہ نے جو کچھ شہد کی مکھی کو سکھا دیا ہے

وہ شیر اور گور خر کو میسر نہیں ہے

وہ تر حلوے سے بھرے ہوئے خانے بناتی ہے

اللہ نے اس علم کا دروازہ اس پر کھول دیا ہے

جوکچھ اللہ نے ریشم کے کیڑے کو سکھا دیا ہے

اس طرح کی تدبیر کوئی ہاتھی جانتا ہے ؟

مٹی کے آدم نے اللہ سے علم سیکھا

علم نے ساتواں آسمان تک روشن کر دیا

فرشتوں کی عزت و آبرو کو شکست دیدی

اس شخص کے اندھے پن نے جو اللہ کے معاملہ میں شک کرتا ہے

چھ لاکھ برس کے زاہد کے

چکال چڑھا دیا ، اس بچھڑے کے

تاکہ علم دین کا دودھ نہ پی سکے

تاکہ اس مضبوط قلعہ کے چکر نہ کاٹے

اہل حس کے علوم، مچکا بن گئے

تاکہ وہ اعلیٰ علم کے دودھ کو نہ پی سکیں

قطرۂ دل کو ایسا گوہر عطا ہوا ہے

جو دریاؤں اور آسمانوں کو نہ دیا

اے صورت کے پجاری، آخر صورت (پرستی) کب تک؟

تیرے بے معنی جان نے صورت سے رہائی نہ پائی

احمد صلی اللہ علیہ وسلم اور بوجہل بت خانے میں گئے

ان کے جانے اور اس کے جانے میں گہرا فرق ہے

دیوار کی تصویر آدمی جیسی ہے

غور کر اس کی صورت میں کیا چیز کم ہے؟

اس بے طاقت تصویر میں جان کم ہے

جا ، اس نایاب گوہر، کو تلاش کر

دنیا کے تمام شیروں کا سر جھک گیا

جب (قضا و قدر) نے اصحاب کہف کے کتے غلبہ دے دیا

اس قابل نفرت صورت سے اس کو کیا نقصان ہے

جب کہ اس کی روح نور کے سمندر میں ڈوبی ہوئی ہے

قلموں میں صورت کی تعریف (لکھنے کا رواج) نہیں ہے

خطوں میں ، عالم اورعادل (لکھا) ہوتا ہے

عالم اور عادل سب معنی ہیں فقط

جن کو تو آگے اور پیچھے کسی جگہ نہیں پائے گا

یہ لا مکاں سے جسم پر وارد ہوتے ہیں

جان کا سورج، آسمان میں نہیں سما سکتا ہے