متابعت کردن نصاریٰ وزیر را

نصارایٰ کے ذریعہ وزیر کی متابعت

تمام عیسائیوں نے اس کو دل دے دیا

عام تقلید کی قوت (بھی) کیا ہوتی ہے

انہوں نے اپنے سینوں میں اس کی محبت کا بیچ بو لیا

وہ اس کو حضرت عیسیٰ کا نائب سمجھ رہے تھے

وہ خفیہ طور پر ملعون کانا دجال ہے

اے خدا، اچھےمددگار ہماری فریاد سن

اے خدا لاکھوں، جال اور دانے ہیں

اور ہم لالچی بھوکے پرندوں کی طرح ہیں

ہم ہروقت ایک نئے جال میں گرفتار ہیں

اگرچہ ہم سب باز اور سیمرغ بن جائیں

تو ہمیں ہر وقت چھڑا تا ہے اور پھر

ہم کسی جال کی طرف چل دیتے ہیں ، اے بے نیاز!

ہم اس بورے میں گیہوں بھرتے ہیں

جمع شدہ گیہوں کو گم کر دیتے ہیں

جب ہم عقل سے سوچتے ہیں

تو گیہوؤں میں یہ کمی چوہے کی مکاری سے ہے

چوہے نے ہمارے بورے میں سوراخ کر لیا ہے

اس کے مکر سے ہمارا ذخیرہ برباد ہو گیا ہے

اے عزیز! پہلے چوہے کی شرارت کو دفع کر

پھر گیہوں جمع کرنے کی کوشش کر

صدروں کے صدر کی یہ حدیث سن لے

کہ کوئی نماز بغیر حضور قلب کے مکمل نہیں ہوتی

اگر کوئی چوہا ہمارے بورے میں چور نہیں ہے

تو چالیس سالہ اعمال کے گیہوں کہاں ہیں؟

ہر روز کا ذرا ذرا سا صدق کیوں

ہمارے اس انبار میں جمع نہیں ہوتا ہے؟

آگ کی بہت سی چنگاریاں لوہے سے نکلیں

اور اس دیوانے دل نے ان کو قبول اور جذب کیا

لیکن ایک چھپا ہوا چور اندھیرے میں

چنگاریوں پر انگلی دہر دیتا ہے

چنگاریوں کو فوراً بجھا دیتا ہے

تا کہ آسمان پر کوئی روشن چراغ نہ ہو

اگر ہر قدم پر ہزاروں جال ہوں

جب تو ہمارے ساتھ ہے تو کچھ غم نہیں

روحوں کو بدن کے جال سے ہر شب

تو رہا کر دیتا ہے، تختیاں اکھاڑ دیتا ہے

روحیں ہر شب اس پنجڑے (جسم) سے چھوٹ جاتی ہیں

فارغ البال بغیر افسری اور ماتحتی کے

(جس طرح) رات کو قیدی، قید خانے سے بے خبر ہوتے ہیں

(اور) رات کو کارکنان، سلطنت سے بے خبر ہوتے ہیں

نہ کسی کو فائدہ اور نقصان کا غم اور فکر

نہ اس فلانے اور اس فلانے کا خیال

خدا شناس کی یہ حالت بغیر نیند کے بھی ہوتی ہے

خدا نے فرمایا ہے وہ سوئے ہوئے ہیں اس سے نہ بھاگ

وہ دن و رات دنیا کے احوال سے غافل ہوتا ہے

خدا کے دست تصرف میں قلم کی طرح ہے

وہ (شخص) جو لکھنے میں ہاتھ کو نہیں دیکھتا

وہ قلم کی حرکت کو اسی کا فعل سمجھتا ہے

عارف کے حال کا کچھ حصہ (اللہ نے) واضح کر دیا ہے

کہ لوگوں کو حسی نیند بھی بے خود کر دیتی ہے

ان کی جان ایک بے مثال بیابان میں چلی جاتی ہے

ان کی روح اور ان کے بدن آرام میں ہوتے ہیں

سیٹی کے ذریعہ تو پھر جال بچھا دیتا ہے

سب کو مصیبت کے جال میں پھانس دیتا ہے

صبح کو پیدا کرنے والا، اسرافیل کی طرح

ان جگہوں سے سب کو صورت میں لاتا ہے

منتشر روحوں کو جسم میں لے آتا ہے

ہر جسم کو پھر باردار کرا دیتا ہے

روح کے گھوڑے کو زین سے ننگا کر دیتا ہے

نیند موت کی بہن ہے کا مطلب یہی ہے

لیکن اس لئے کہ وہ دن میں واپس آئیں

ان کے پیر میں لمبی رسی باندھ دیتا ہے

تاکہ اس سبزہ زار سے دن میں واپس لے آئے

اور چراگاہ سے اس کو بوجھ کے نیچے لاتا ہے

کاش اصحاب کہف کی طرح اس روح کو

محفوظ کر دیتا یا اس طرح جیسے کشت‏ئ نوح کی حفاظت کی

تاکہ بیداری اور ہوش کے اس طوفان سے

چھوٹ جاتے ، یہ دل اور آنکھ اور کان

اے (مخاطب)بہت سے اصحاب کہف دنیا کے اندر

تیرے پہلو میں، تیرے سامنے اب بھی موجود ہیں

یار اور غار (دونوں) ان کے ہمساز ہیں

لیکن تیری آنکھ اور کان پر تو مہر ہے،کیا فائدہ