قصۂ آدم علیہ السلام و بستن قضا نظر او را از مراعات صریح نہی و ترک تاویل‌‌

حضرتِ آدم علیہ السّلام کا قصّہ اور قضا کا اُن کی آنکھ کو بند کر

دینا صاف ممانعت کی نگاہ داشت سے اور ممانعت کو ترک کرنا اور تاویل کرنا

انسانوں کا باپ جو عَلّم الاسماء کا سردار ہے

جس کی ہر رگ میں لاکھوں علم ہیں

ہر چیز کا نام جس طرح وہ چیز ہے

آخر تک ان کی جان کو حاصل ہو گیا

جو لقب اس نے دیا وہ نہ بدلا

جس کو اس نے چُست کہا وہ سست نہ ہوا

جو آخرت میں مومن ہے، شروع میں دیکھ لیا

جو آخر میں کافر ہے وہ اس پر ظاہر ہوگیا

تو ہر چیز کا نام عقلمند سے سُن

عَلّم الاسْما، کا اشارہ اور راز سُن

ہمارے نزدیک ہر چیز کا نام اس کے ظاہر پر ہے

اللہ کے نزدیک ہر چیز کا نام اسکے باطن پر ہے

موسیٰ (علیہ السّلام) کے نزدیک انکی لکڑی کا نام عصا تھا

اللہ کے نزدیک اس کا نام اژِدہا تھا

اس جگہ عُمر کا نام بُت پرست تھا

لیکن ازل میں اس کا نام مُومن تھا

وہ جس کا نام ہمارے نزدیک منی تھا

اللہ کے سامنے وہ صورت تھی جیسا کہ تو میرے سامنے ہے

عدم میں یہ منی ایک صورت تھی

جو خدا کے سامنے بغیر کمی بیشی کے موجود تھی

الحاصل ہمارا نام وہی حقیقت بنا

جو اللہ کے سامنے ہمارا انجام تھا

انسان کا انجام کے اعتبار سے نام رکھتے ہیں

نہ اُس پر جو چند روز کے لئے رکھتے ہیں

حضرتِ آدمؑ کی آنکھ نے پاک نور کے ذریعہ دیکھا

ناموں کی حقیقت اور راز اُن پر ظاہر ہو گیا

جب فرشتوں نے اللہ کے انوار اُن پر پائے

سربسجود ہوئے اور خدمت کے لئے دوڑے

جس آدم کا میں نام لے رہا ہوں انکی تعریف سے

اگر میں قیامت تک مدح کروں تو قاصر رہوں

وہ یہ سب جان گئے اور جب قضا آئی

ایک ممانعت کی سمجھ میں اُن سے غلطی ہوئی

تعجّب ہے! ممانعت حرام ہونیکی وجہ سے تھی

یا کسی تاویل کی وجہ سے تھی اور دہم میں ڈالنا تھا

ان کے دل میں جب تاویل نے ترجیح حاصل کر لی

طبیعت، حیرانی میں گیہوں کی طرف ڈوڑ پڑی

جب باغباں کے پیر میں کانٹا چبھ گیا

چور نے موقع پالیا، تیزی سے سامان لے بھاگا

جب حیرت سے اُنہیں چھٹکارا ملا، راستہ پر آئے

دیکھا، کارخانے سے چور سامان لے بھاگا

’’ہمارے رب ہم نے ظلم کیا‘‘ کہا اور آہ کی

یعنی اندھیرا چھا گیا اور راستہ گم ہو گیا

یہ قضا سورج کو چھپالینے والا ابر ہے

اس سے شیر اور اژدہا، چوہے کی طرح بنجاتا ہے

اگر میں قضا کے وقت جال نہیں دیکھتا ہوں

میں ہی تنہا قضا کے راستہ میں بے خبر نہیں ہوں

اے (مخاطب) قابلِ مبارکباد ہے وہ شخص جو نیکی کرے

زور کو چھوڑ دے اور عاجزی کرے

اگر قضا سیاہ بنکر تجھے رات کی طرح ڈھانپ لے

بالآخر قضا ہی تیری دستگیری کرے گی

اگر قضا سو بار تیری جان لینا چاہے

قضا ہی تیری جاں بخشی کرے گی، علاج کریگی

یہ قضا اگر سو بار تھے لوٹتی ہے

آسمان کی وسعت پر تیرا خیمہ گاڑتی ہے

کرم سمجھ یہ کہ قضا تجھے ڈراتی ہے

تاکہ امن کی سرزمین میں تجھے بٹھا دے

اس بات کی انتہا نہیں ہے، دیر ہو گئی

شیر اور خرگوش کا قصہ سُن