باز ترجیح نہادن شیر جہد را بر توکل و فوائد جہد را بیان کردن

شیر کا پھر توکل پر کوشش کو ترجیح دینا اور کوشش کے فائدے بیان کرنا

شیر نے کہا درست ہے ، لیکن یہ بھی تو دیکھ

انبیاء اور رسولوں کی کوششیں

اللہ نے ان کی کوشش درست کردی

جو کچھ انہوں نے ظلم اور گرم و سرد دیکھا

بہر حال ان کی تدبیریں، پاکیزہ ثابت ہوئیں

بھلے کی ہر شے بھگی ہوتی ہے

ان کے جالوں نے آسمانی پرندے پکڑے

ان کی تمام کمیوں نے ، ترقیاں حاصل کر لیں

اے عقلمند ! جس قدر بھی ہو سکے کوشش کر

انبیاء اور اولیاء کے طریقہ پر

جہاد، تقدیر الٰہی کا مقابلہ نہیں ہے

اس لئے کہ یہ بھی تقدیر الٰہی نے ہم پر رکھا ہے

میں کافر ہوں ، اگر کسی نے نقصان اٹھایا ہو

ایمان اور اطاعت کے راستہ میں ، تھوڑی دیر کے لیے بھی

(تیرا) سر پھٹا ہوا نہیں ہے ، خبردار سر کو نہ باندھ

ایک دو روز کوشش کر لے پھر آرام اٹھا

جس نے دنیا کی جستجو کی اس نے باطل کی جستجو کی

جس نے آخرت کی جستجو کی اس نے اچھی حالت کی جستجو کی

دنیاوی کام میں تدبیر کرنا بیکار ہے

دنیا چھوڑنے میں ، تدبیر کرنا منقول ہے

تدبیر یہ ہے کہ قید خانہ میں سرنگ لگادی

جس نے سرنگ بند کر دی یہ غلط تدبیر ہے

یہ دنیا قید خانہ ہے، اور ہم قیدی ہیں

قید خانہ میں سرنگ لگانے اور اپنے آپ کو چھڑا لے

دنیا کیا ہے؟ اللہ سے غافل ہونا

نہ کہ ساز و سامان اور چاندی اور بچے، بیوی

وہ مال دین کے لئے تو جس کا بار بردار ہو

اس کو رسول اللہ ﷺ نے بہترین اچھا مال فرمایا ہے

کشتی میں پانی بھرنا ، کشتی کی تباہی ہے

کشتی کے نیچے پانی کا ہونا، کشتی کے لئے مدد گار ہے

چونکہ مال اور ملک کو دل سے نکال دیا تھا

اس لئے (حضرت) سلیمان (علیہ السلام) نے اپنے آپ کو مسکین کے علاوہ کچھ نہ کہا

سر بندھا پیالہ، گہرے پانی میں گیا

اور ہوا سے پیٹ بھر اہونے کی وجہ سے پانی پر تیرا

جب دل میں فقیری کی ہوا بھری ہوگی

دنیا کے پانی کے اوپر ، پر سکون ہوگا

خواہ یہ تمام دنیا اس کی ملک ہو

سلطنت اس کے دل کی نگاہ میں ہیچ ہے

پس دل کا دہانہ بند کر، اور مہرلگا

من لدن کے دریچہ سے اس کو بھر لے

کوشش حق ہے، اور دوا کرنا حق ہے ، اور درد حق ہے

منکر اپنی کوشش کی نفی میں کوشاں ہے