دیدن خواجہ طوطیان ہندوستاں را در دشت و پیغام رسانیدن از آں طوطی

سودا گر کا جنگل میں طوطیوں کو دیکھنا اور پیغام پہونچانا

جب وہ ہندوستان کے حدود میں پہونچا

اُس نے جنگل میں چند طوطیاں دیکھیں

سواری روکی اور پھر آواز دی

وہ سلام اور وہ امانت پہونچا دی

طوطیوں میں سے ایک طوطی کانپنے لگی اور پھر

گر پڑی اور بہت جلد اس کا دم ٹوٹ گیا

خبر پہونچانے سے خواجہ پریشان ہوا

اور بولا میں ایک جاندار کی ہلاکت کے درپے ہوا

شاید یہ طوطی اُس طوطی کی رشتہ دار ہے

شاید یہ دو جسم اور ایک جان تھے

میں نے یہ کیوں کیا؟ کیوں پیغام پہونچایا؟

اِس فضول بات سے میں نے بیچاری کو جلا ڈالا

یہ زبان پتھّر کی طرح ہے اور مُنہ لوہا جیسا ہے

جو زبان سے نکلتا ہے آگ کی طرح ہے

خواہ مخواہ پتھّر اور لوہے کو نہ ٹکرا

کبھی نقل کے طور پر اور کبھی شیخی سے

کیونکہ اندھیرا ہے ہر جانب روئی ہے

شعلہ روئی میں کیسے رُک سکتا ہے؟

وہ لوگ ظالم ہیں جنہوں نے آنکھیں سی لیں

اور باتوں سے جہاں کو جلا ڈالا

ایک بات، جہان کو ویران کر دیتی ہے

مُردہ لومڑیوں کو شیر بنا دیتی ہے

روحیں اپنی اصل میں (حضرتِ) عیسیٰؑ کا سا دم رکھتی ہیں

ایک وقت زخم ہیں اور دوسرے وقت مرہم ہیں

اگر روحوں سے پردہ اُٹھ جائے

تو ہر روح کی بات مسیح جیسی ہے

اگر تو شَکر جیسی بات کہنا چاہتا ہے

(تب بھی) اِس حرص سے صبر کر اور یہ حلوا نہ کھا

عقلمندوں کو صبر مرغوب ہوتا ہے

حلوا کھانے کی آرزو تو بچّوں کو ہوتی ہے

جو صبر اختیار کر لیتا ہے، آسمان سے بلند ہو جاتا ہے

جس نے حلوا کھایا وہ لوٹ جاتا ہے