تلبیس وزیر با نصاریٰ

وزیر کا عیسائیوں کو دھوکہ اور اس کا مکر

پھر میں کہوں گا ، میں پوشیدہ طور پر عیسائی ہوں

اے رازداں خدا ! تو مجھے جانتا ہے

بادشاہ میرے ایمان سے واقف ہو گیا

(اور) اس نے تعصب کی وجہ سے میری جان لینے کا تہیہ کر لیا

میں نے چاہا کہ بادشاہ سے اپنا دین چھپاؤں

اور جو اس کا مذہب ہے وہی اپنا مذہب ظاہر کروں

بادشاہ نے میرے رازوں کی بو پا لی

(اور) میری بات بادشاہ کے سامنے جھوٹی ہو گئی

اس نے کہا، تیری گفتگو روٹی میں سوئی کی طرح ہے

(اور) میرے دل سے تیرے دل تک سوراخ ہے

میں نے اس سوراخ سے تیرا حال دیکھ لیا ہے

(جب میں نے حال دیکھ لیا تو تیری بات کیوں سنوں؟)

اگر حضرت عیسیٰؑ کی روح میری مددگار نہ ہوتی

تو وہ یہودیوں کی طرح میرے ٹکڑے ٹکڑے کر دیتا

حضرت عیسیٰٰ کے لئے میں جان اور سر دوں

ان کے لاکھوں، احسان، جان پر سمجھوں

حضرت عیسیٰ کے لئے جان دینے میں مجھے تامل نہیں ہے لیکن

میں ان کے دین سے خوب خوب واقف ہوں

مجھے اس پر افسوس آتا ہے کہ یہ پاک دین

جاہلوں میں پہنچ کر تباہ و برباد ہو

اللہ ، اور عیسیٰ کا شکر ہے کہ ہم

اس سچے دین کے راہنما بن گئے ہیں

یہودیت، اور یہودیوں سے ہم چھوٹ گئے ہیں

جب سے کہ ہم نے زنار سے اپنی کمر کس لی ہے

اے لوگو!یہ عہد تو حضرت عیسیٰ کا عہد ہے

ان کے مذہب کے اسرار دل و جان سے سنو

بادشاہ نے اس کے ساتھ وہی کام کیا جو اس نے کہا

(اور، اس چھپےہوئے بھید سے لوگ بے خبر رہے )

اس کو عیسائیوں کی جانب بھگا دیا

اس کے بعد اس نے تبلیغ کا کام شروع کر دیا