قصۂ باد کہ در عہد ہود علیہ السلام قوم آد را ہلاک کرد

ہوا کا ہود علیہ السلام کی قوم کو ہلاک کرنے کا قصہ

جو اس خط کے باہر تھا ، سب کو

ہوا اندر سے ٹکڑے ٹکڑے کر رہی تھی

اسی طرح (حضرت) شیبان چرواہے ، کھینچ دیتے تھے

ریوڑ کے چاروں طرف نمایاں خط

جب نماز کے وقت جمعہ کو جاتے

تاکہ اس جگہ بھیڑیا غارت گری نہ کرے

اس میں کوئی بھیڑیا نہ گھستا

کوئی بکری بھی اس علامت سے باہر نہ نکلتی

بھیڑیے کی حرص اور بکری کی حرص کی ہوا

(اس) مرد خدا کے دائرہ میں بند تھی

اس طرح اولیاء اللہ پر موت کی ہوا

باغ کی نسیم کی طرح نرم اور خوشگوار ہے

آگ نے (حضرت) ابراہیم کو تکلیف نہیں پہونچائی

جب کہ اللہ کا برگزیدہ ہو وہ کس طرح گزند پہونچائے؟

دینداروں کو شہوت کی آگ نہیں جلاتی ہے

سرکشوں کو زمین کی تہہ میں لیجاتی ہے

دریا کی موج چونکہ خدا کے حکم سے اٹھی

موسیٰ والوں کو قبطی سے پہچان لیا

قارون کی زمین کو جب حکم پہونچا

اس کو دولت اور تخت کے ساتھ اپنی گہرائی میں کھینچ لیا

مٹی اور پانی نے جب حضرت عیسیٰ کی پھونک کو چکھا

بال اور پر کھولے اور پرندہ بن گیا

تیرا سبحان اللہ کہنا جو (بجائے) پانی اور مٹی کے ہے

دل کی سچائی کی پھونک سے جنت کا پرندہ بنا

کوہ طور (حضرتِ) موسیٰ کے نور سے رقص میں آگیا

باکمال صوفی بن گیا اور نقص سے بری ہوگیا

اے عزیز! اگر پہاڑ صوفی ہوگیا تو کیا تعجب ہے

حضرت موسیٰ کا جسم بھی تو مٹی کا ہی تھا