تعظیم ساحراں مر موسیٰ را علیہ السلام کہ چہ فرمائی اول تو اندازے عصا یا ما

جادو گروں کا موسیٰ (علیہ السلام) کی تعلیظم کرنا کہ پہلے آپ لاٹھی ڈالئے

ملعون فرعون کے زمانہ میں جادو گروں نے

کینہ وری کی وجہ سے جب (حضرت) موسیٰ سے جھگڑا

لیکن (حضرت) موسیٰؑ کو آگے کیا

جادو گروں نے ان کو معزّز مانا

اسلئے کہ انہوں نے اُنسے کہا کہ آپ صاحب فرمان

اگر آپ چاہیں تو پہلے عَصا ڈالیں

انہوں نے فرمایا اے جادو گرو! نہیں پہلے تم

وہ شعبدہ دکھاؤ

دین کی اسقدر تعظیم نے ہی انہیں خرید لیا

اور مقابلہ بازی میں انکے ہاتھ اور پیر کاٹ دئے

جادو گروں نے جب انکا مرتبہ پہچان لیا

اس جرم میں ہاتھ اور پیر ہار بیٹھے

نوالہ اور نکتہ کامل کے لئے حلال ہے

تو کامل نہیں ہے، نہ کھا، گونگا بنجا

تو کان کی طرح ہے اور وہ زبان، جو تیری جنس نہیں ہے

کانوں کو اللہ تعالیٰ نے حکم دیا کہ خاموشی سے سنو

بچّہ جب دودھ پیتا پیدا ہوتا ہے

ہمہ تن کان بن کر ایک مدّت تک چپ رہتا ہے

اس کو ایک مدّت تک ہونٹ سینے چاہئیں

بات کرنیوالوں سے بات سیکھنی چاہئے

اگر کان نہ ہوں تو تی تی کرتا ہے

اپنے کو تمام عمر کے لئے گونگا بنا لیتا ہے

مادر زاد بہرا جس کے شروع سے کان نہ ہوں

گونگا ہوتا ہے بولنے کی ہمّت کب کرتا ہے

اِس لئے کہ بولنے کے لئے پہلے سننا چاہئے

بولنے کی جانب، سننے کے راستہ سے اندرآ

گھروں میں اُن کے دروازوں سے داخل ہو

رزقوں کو اُن کے ذرائع سے تلاش کرو

وہ گویائی جو سننے کی راہ پر موقوف نہیں ہے

بے نیاز، اللہ تعالیٰ کی گویائی کے علاوہ نہیں ہے

وہ موجد ہے اور کسی اُستاد کے تابع نہیں ہے

سب کو سہارا دینے والا ہے اُسکو سہارے کی ضرورت نہیں ہے

باقی سب ہی دستکاریوں اور گفتگو میں

اُستاد کے تابع اور مثال کے متحاج ہیں

اگر تو اِس بات سے نا آشنا نہیں ہے

کسی ویرانے میں گدڑی اور اَشکباری اختیار کر

اسلئے کہ آدم (علیہ السلام) اُس عتاب سے آنسوؤں سے بچے

اَشک تر توبہ کرنے والے کیلئے ایک (موثر) تدبیر ہے

آدم (علیہ السّلام) رونے کے لئے زمین پر آئے

تاکہ روئیں اور چلائیں اور غمگین ہوں

آدم (علیہ السّلام) جنّت اور سات آسمانوں پر سے

ایک پیر پر کن پکڑی کرتے ہوئے عذر کیلئے چلے

اگر تو آدم (علیہ السّلام) کی پُشت اور انکی کمر سے ہے

جستجو میں رہ نیزانکی جماعت میں

دل کی آگ اور آنکھ کے پانی سے چبینا تیار کر

باغ، ابر اور آفتاب سے تازہ ہے

اے نازک دل ! تو آنسوؤں کا ذوق کیا جانے

اسلئے کہ تو گدھے کی طرح دھنسا ہوا ہے

اگر تو اِس تھیلے کو روٹی سے خالی کرلے

انوار کے موتیوں سے پُر کر لے

جان کے بچّے کو شیطان کے دودھ سے روک

اس کے بعد اُس کو فرشتوں کا ساتھی بنا لے

جب تک تو تاریک رنجیدہ اور سیاہ ہے

سمجھ لے کہ ملعون شیطان کا دودھِ شریک بھائی ہے

جس لقمہ نے نور اور کمال بڑھایا ہے

وہ حلال کمائی سے حاصل کیا ہوا ہوتا ہے

وہ تیل جو آتے ہی ہمارا چراغ بجھا دے

چونکہ وہ چراغ کو گل کرتا ہے اس کو پانی کہو

حلال لُقمہ سے علم اور دانائی پیدا ہوتی ہے

عشق اور دل کی نرمی حلال لُقمہ سے پیدا ہوتی ہے

جب تو دیکھے کہ لُقمہ سے ہمیشہ حسد اور مکر

جہل اور غفلت پیدا ہوتی ہے تو اسکو حرام سمجھ

کبھی (ایسا ہوا ہے) کہ تونے گیہوں بوئے اور جو پیدا

تونے دیکھا ہے کہ گھوڑی نے گدھے کا بچّہ جنا ہو؟

لُقمہ بیج ہے اور اس کا پھل خیالات ہیں

لُقمہ سمندر ہے اور اسکے موتی خیالات ہیں

منہ میں حلا لُقمہ سے پیدا ہوتا ہے

عبادت کا رجحان (اور) اُس جہاں (آخرت) میں جانے کا اِرادہ