سوال کردن رسول روم از امیر المومنین رضی اللہ عنہ

حضرتِ عمرؓ کا قیصر روم کے ایلچی سے بات کرنا اور روم کے ایلچی کا حضرتِ عمرؓ سے سوال کرنا

(اُس) شخص نے اُن سے کہا، اے امیر المومنین

روح (عالِم) بالا سے زمین پر کیوں آ گئی؟

لا تعداد پرندے پنجرے میں کیسے آگئے

اُنہوں نے کہا اللہ تعالیٰ نے روح پر افسوں اور افسانے پڑھ دئے

وہ معدوم جو آنکھ اور کان نہیں رکھتے

جب وہ اُن پر افسوں پڑھتا ہے وہ جوش میں آ جاتے ہیں

اُس کے افسوں سے معدوم چیزیں جلد جلد

وجود کی جانب قلا بازیاں کھاتی ہیں

پھر جب موجود پر اُس نے افسوں پڑھا

جلد اُس کو عدم میں تیز دوڑا دیا

پھول کے کان میں کچھ کہا، اُس کو شگفتہ کر دیا

خوبصورت لعل سے کچھ کہا اور اُسکو چمکدار بنا دیا

جسم کو کوئی آیت سنا دی، تو وہ جان بن گیا

سورج سے کہا، تو وہ چمکدار ہو گیا

پھر اُس کے کان میں کوئی خوفناک نُکتہ پھونک دیا

تو سورج کے رخ میں سو گرہن آ گئ

(نہ معلوم) اُس بولنے والے نے ابر کے کان میں کیا کہا ہے؟

کہ اُسے مَشک کی طرح اسی آنکھ سے پانی بہا دیا

(معلوم نہیں) زمین کے کان میں کیا پھونک دیا ہے؟

کہ وہ منتظِر اور خاموش ہو گئی ہے

جو شخص تردّد میں پریشان ہے

اللہ تعالیٰ نے اس کے کان میں کوئی معما کہا ہے

تاکہ اُس کو دو گمانوں میں مبتلا کر دے

وہ کروں جو (فلاں نے ) کہایا اُس کی ضد

پھر اللہ (تعالیٰ) کی طرف سے ایک جانب کا رجحان

اُس طرف سے دونوں میں سے ایک کو اختیار کرتا ہے

اگر تو جان کے ہوش کو تردّد میں مبتلا کرنا نہیں چاہتا ہے

اِس روئی کو جان کے کان میں نہ ٹھونس

تاکہ تو اُس کے اِن معمّوں کو سمجھ لے

تاکہ تو واضح بات اور اشاروں کا اِدراک کر سکے

پھر جان کا کان وحی کی جگہ بن جاتا ہے

وحی کیا ہوتی ہے؟ پوشیدہ حس کی گفتگو ہے

جان کے کان اور آنکھ اِس حس کے علاوہ ہیں

عقل کا کان اور گمان کی آنکھ اُس سے خالی ہے

جبر کے لفظ نے میرے عشق کو بے قار کردیا

جو عاشق نہیں ہے اُسکو جبر کا قیدی بنا دیا

یہ اللہ (تعالیٰ) کے ساتھ معیّت ہے اور جبر نہیں ہے

خود غرض (نفسِ) امارّہ کا جبر نہیں ہے

اگر یہ جبر ہے تو عوام کا جبر نہیں ہے

خود غرض (نفسِ) امارّہ کا جبر نہیں ہے

اے بیٹا! جبر کو وہی پہچانتے ہیں

جن کے دل کی آنکھ خدانے کھول دی ہے

غیب اور آنیوالی چیزیں اُن پر مُنکشف ہو گئی

گذشتہ کی یاد تو اُن کے لئے کچھ بھی نہیں

اُن کا اختیار اور جبر دوسرا ہی ہے

صدفوں میں قطرے گوہر ہیں

باہر وہ چھوٹے اور بڑے قطرے ہیں

لیکن صدف میں وہ چھوٹے اور بڑے موتی ہیں

اس قوم کی طبیعت ہرن کا نافہ ہے

باہر خون ہے اور ان کے اندر مُشک ہے

تونہ کہہ کہ یہ نافہ باہر خون ہوتا ہے

جب ناف میں جاتا ہے مُشک کیوں بن جاتا ہے

تو نہ کہہ کہ یہ تانبا باہر نا چیز تھا

اکسیر کے دل میں پہنچکر سونا کیسے بن گیا؟

اِختیار اور جبر تجھ میں ایک خیال تھا

جب اُن میں پہنچا تو نورِ جلال بن گیا

روٹی جب تک دسترخوان میں ہے وہ بے روح ہے

انسان کے جسم میں پہونچ کر وہ بَشّاش روح بن جاتی ہے

دسترخوان میں وہ متغیرّ نہیں ہوتی ہے

روح اُس کو سلسبیل کے ذریعہ متغیّر کرتی ہے

اے سچی بات پڑھنے والے! یہ روح کی طاقت ہے

تو روح کی روح کی کیا طاقت ہوگی؟

آدمی جو گوشت کا ٹکڑا ہے، جان کے زور سے

پہاڑ کو مع سمندر اور کان کے پھاڑ دیتا ہے

کوہکن کی جان کے زدرنے پتّھر پھاڑا

جان کی جان کا زور اِنشق الْقَمَر میں ہے

اگر دل راز کے تھیلے کا مُنہ کھول دے

جان عرش کی جانب دوڑ جائے