تفسیر رجعنا من الجہاد الاصغر الی الجهاد الاکبر

’’ہم چھوٹے جہاد سے بڑے جہاد کی طرف لوٹتے ہیں‘‘ کی تفسیر

اے بزرگو! ہم نے باہر کے دشمن کو مارڈالا

لیکن اُس سے زیادہ بد تر دشمن باطن میں بچارہ گیا

اِس دشمن کو مار نا عقل و ہوش کا کام نہیں ہے

باطن کا شیر خرگوش کے قابو کا نہیں ہے

یہ نفس دوزخ ہے اور دوزخ اژدہا ہے

کہ وہ دریاؤں سے بھی کم نہیں ہوتا

سات سمندروں کو پی لے، پھر بھی

اُس مخلوق سوز کی جلن کم نہ ہو

پتّھر اور سنگدل کافر

اُس میں ذلیل اور شرمندہ ہو کر داخل ہونگے

اِسقدر خوراک سے بھی اُسکو سکون نہوگا

یہانتک کہ اللہ تعالیٰ کی جانب سے اُسکو یہ ندا آئیگی

تیرا خوب پیٹ بھر گیا وہ کہے گی ابھی نہیں

رہے آگ، زہے تابش، زہے جلن

اُس نے دنیا بھر کو لُقمہ بنایا اور نگل گئی

اُس کا معدہ نعرہ لگا رہا ہے کیا کچھ اور ہے

اللہ تعالیٰ اُس پر لا مکاں سے قدم رکھ دیگا

اُس وقت ’’وہ کُن فکان‘‘ سے ساکن ہو جائیگی

چونکہ ہمارا یہ نفس دوزخ کا حصّہ ہے

اور اجزاء ہمیشہ کُل کی طبیعت رکھتے ہیں

یہ اللہ تعالےٰ ہی کا قدم ہوگا جو اُسکی پیاس

سوائے اللہ تعالیٰ کے کون ہے جو اُسکی کمان کو کھینچے

کمان میں سیدھا تیر ہی رکھتے ہیں

اِس کمان کے اُلٹے ٹیڑھے تیر ہیں

تیر کی طرح سیدھا ہو جا، کمان سے چھوٹ جا

اِسلئے کہ کمان سے یقیناً ہر سیدھا تیر چھوٹ جاتا ہے

چونکہ میں ظاہری جنگ سے فارغ ہو گیا ہوں

باطنی جنگ کی طرف متوجہ ہوتا ہوں

ہم ’’واپس ہوئے چھوٹے جہاد سے‘‘ کے مصداق ہیں

نبی کے سہارے جہادِ اکبر میں (لگے) ہیں

خدا تعالےٰ سے میں سمندر کو چاک کر دینے والی قوّت

تاکہ اِس کوہ قاف کو سوئی سے اکھاڑ دوں

وہ شیر( بننا) آسان سمجھ جو کہ صفیں پھاڑدے

شیر وہی ہے جو خود کو شکست دیدے