عذر گفتن خرگوش

تاخیر کی وجہ سے خرگوش کا شیر سے معذرت اور خوشامد کرنا

خرگوش نے کہا جان کی بخشش، میرا ایک عذر ہے

اگر تیری مالکانہ خطا بخشی دستگیری کرے

اُس نے کہا اے بیووقوفوں میں سے کمترین! کیا عذر ہے؟

بادشاہوں کے سامنے اِس وقت آتے ہیں؟

تو بے وقت کا مرغ ہے، تیرا سر قلم کرنا چاہئے

احمق کے عذر کو نہ سننا چاہئے

احمق کا عذر، اس کے جرم سے بھی بد تر ہوتا ہے

نا سمجھ کا عذر، ہر عقل کا زہر ہوتا ہے

اے بے عقل خرگوش ! تیرا عذر

میں گدھے کا کان نہیں ہوں کہ تو(عذر) سناتا ہے

اُس نے کہا، اے شاہ! نالائق کو لایق سمجھ کر

مظلوموں کا عذر سُن لے

خاص طور پر، اپنے مرتبہ کے صدقہ میں

ایک گمراہ کو اپنے راستہ سے نہ ہٹا

وہ دریا جو ہر نہر کو پانی دیتا ہے

اور ہر تنکے کو سَر اور مُنہ پر رکھتا ہے

اُس کرم کی وجہ سے دریا کم نہ ہوگا

کرم کی وجہ سے ، دریا کا کچھ گھٹتا بڑھتا نہیں ہے

اُس نے کہا میں اُسکے موقع پر کرم کرتا ہوں

ہر شخص کا کپڑا اُس کے قد کے مطابق تراشتا ہوں

اُس نے کہا سن لے، اگر مہربانی کا موقع نہوگا

میں سختی کے اژدھے کے سامنے سَردھرتا ہوں

میں چاشت کے وقت راستہ پر پڑا

اپنے ساتھی کے ساتھ شاہ کی جانب آنے لگا

تیرے لئے، میرے ساتھ ایک دوسرا خرگوش

اُس جماعت نے ساتھ کر دیا تھا

راستہ میں ایک شیر نے بندے کا قصبد کیا

(بلکہ) ہم دونوں ساتھ آنے والوں کی طرف جھپٹا،

میں نے اُس سے کہا ہم بادشاہ کے غلام ہیں

ہم دونوں اُس درگاہ کے ادنیٰ حاضر باش ہیں

اُس نے کہا، شہنشاہ کون ہوتا ہے، شرم کر

میرے سامنے تو کسی نالایق کا نام نہ لے

تجھے اور تیرے بادشاہ کو بھی پھاڑ ڈالوں گا

اگر تو اپنے ساتھی کے ساتھ میرے سامنے سے گیا

میں نے اُُس سے کہا، چطوڑ دے تاکہ ایک بار

بادشاہ کا چہرہ دیکھ لوں اور تیری اطّلاع کر دوں

اُس نے کہا، ساتھی کو میرے پاس گروی رکھدے

ورنہ تو میرے مذہب میں قربان ہے

میں نے اُس کی بہت خوشامد کی، فائدہ نہ دیا

میرے یار کو پکڑ لیا، مجھے اکیلا چھوڑ دیا

میرا یار میرے اعتبار سے تگنا تھا

پاکیزگی میں بھی اور خوبی میں بھی اور بدن میں بھی

اِس کے بعد اُس شیر کی وجہ سے راستہ بند ہوگیا

ہمارا حال یہ تھا تجھ سے کہ دیا گیا

اِس کے بعد روزینے سے امید منقطح کر لے

تجھ سے سچ کہتا ہوں، سچی بات کڑوی ہوتی ہے

اگر تجھے روزینہ چاہئے تو راستہ صاف کر دے

ہاں آ اور اُس بے شرم کو دفع کر دے