یہ الفت کی گھڑی شادی کا یہ جلسہ مبارک ہو
یہ الفت کی گھڑی شادی کا یہ جلسہ مبارک ہو
مبارک ہو تمہیں دولہا میاں سہرا مبارک ہو
مبارک دولہا والوں کو ترانہ شادمانی کا
دلہن والوں کو بھی الفت کا یہ تحفہ مبارک ہو
بندھا سہرا تو دل سے یہ دعائیں دیں عزیزوں نے
کہ دولہا اور دلہن کو پیار کا رشتہ مبارک ہو
بہت خوش ہیں یہاں سب اہل محفل دوست اور بھائی
سبھی کو یہ مبارک باد کا نغمہ مبارک ہو
رہیں مسرور اور شادماں ہمیشہ دولہا اور دلہن
ملایا ہے خدا نے کیا حسیں جوڑا مبارک ہو
جو دولہا کو مبارک ہو یہ شادی خانہ آبادی
تو انورؔ رشتے داروں کو نیا رشتہ مبارک ہو
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
