کہاں وہ کیقبادی کارخانہ

کہاں وہ کیقبادی کارخانہ

کہاں وہ مے وہ جام خسروانہ

کہوں کیا تجھ سے اے یار یگانہ

سحرگاہانہ مخمور شبانہ

گرفتم بادہ با چنگ و چغانہ

پڑا جب گوش میں وہ نالۂ نے

تو سوجھی اور ہی عالم کی اک شئے

ہوئی مستی و مد ہوشی جو در پے

نہادم عقل را رہ تو شہ از مے

بہ ملک عاقبت کردم روانہ

کیا پہلے ہی ساغر نے یہ دل شاد

کہ سر اپنا رہا مجھ کو نہ پا یاد

تو مجھ کو کر کے اور اک جام امداد

نگارے مے فروشم عشوۂ داد

کہ ایمن گشتم از مکر زمانہ

ہوا جب میں نہایت شاد و خرم

تو رکھ کر سر قدم پر اس کے ہر دم

کہا میں نے اسے اے ساقیٔ جم

بدہ کشتیٔ مے تا خوش سرایم

دریں دریائے نا پیدا کرانہ

کیا ہے گر مجھے منزل سے محرم

تو رستے میں نہ چھوڑ اے خضر عالم

کہا جب میں نے یہ نکتہ تو اس دم

ز ساقیٔ کماں ابر و شنیدم

کہ اے تیر ملامت را نشانہ

یہ رہ باریک ہے اور تو ہے فربہ

گماں اس عزم کی ہرگز نہ کر زہ

گمان و وہم کی جاگہ نہیں ہے یہ

برو ایں دام بر مرغ دگر نہ

کہ عنقا را بلند است آشیانہ

اگر ہے تجھ کو اس رہ سے سروکار

تو ہو سب ماسوا سے تارک اے یار

نہ رکھیو بو خودی کی کچھ خبردار

نہ بندی زاں میاں طوق کمردار

اگر خود را نہ بینی درمیانہ

وہی عاشق وہی معشوق دلجوست

وہی بود اور وہی مغز اور وہی پوست

وہی حامی وہی دشمن وہی پوست

شراب و شاہد و ساقی ہمہ اوست

خیال آب و گل در رہ بہانہ

نظیرؔ اے چوں تو شیدائیست حافظؔ

تن خاکی عجب جائیست حافظؔ

نہ دریا و نہ صحرائیست حافظؔ

وجود ما معمائیست حافظؔ

کہ تحقیقش فسونست و فسانہ