باغِ احمد کے شجر آ جائیے

باغِ احمد کے شجر آ جائیے

شیرِ یزداں کے پسر آ جائیے

منتظر ہے یہ زمین و آسماں

کہہ رہے ہیں یہ شجر آ جائیے

ہے اندھیرا چار سو چھایا ہوا

لے کے نورانی سحر آ جائیے

شب کو پُر روشن بنانے کے لیے

صحنِ زہرا کے قمر آ جائیے

کہہ رہا ہے کب سے کعبہ بس یہی

کھول دوں دیوار و در آ جائیے

ختم کرنے منکرِ حیدر کو اب

شیرِ حق کے شیرِ نر آ جائیے

العجل کہتی ہیں مخلوقِ خدا

اے امامِ بحر و بر آ جائیے

سیدہ کا واسطہ دیتے ہیں ہم

ہو دعائیں با اثر، آ جائیے

تیرہ کا جلوہ ہے تجھ سے ہی عیاں

اے امامت کے ثمر آ جائیے

نام تیرا جپ رہے ہیں ہر گھڑی

خضر و عیسیٰ رات بھر، آ جائیے

باہر امامت کے صدف سے اب ذرا

اے امامت کے گوہر آ جائیے

منتظر اک آپ کے دیدار کو

ہیں ہماری چشمِ تر، آ جائیے

اس سے پہلے ہو نہ جائے یہ کہیں

ختم سانسوں کا سفر آ جائیے

عرضیاں یوں کب تلک ڈالیں گے ہم

اب ذرا لینے خبر آ جائیے

آپ کی نعلین پر زیدؔ و حسنؔ

چاہتے ہیں رکھنا سر آ جائیے