bagh-e-ahmad ke shajar aa jaiye

bāġh-e-ahmad ke shajar aa jā.iye

sher-e-yazdāñ ke pisar aa jā.iye

muntazir hai ye zamīn-o-āsmāñ

kah rahe haiñ ye shajar aa jā.iye

hai añdherā chaar sau chhāyā huā

le ke nūrānī sahar aa jā.iye

shab ko pur-raushan banāne ke liye

sehn-e-zahrā ke qamar aa jā.iye

kah rahā hai kab se kā'ba bas yahī

khol duuñ dīvār-o-dar aa jā.iye

ḳhatm karne munkir-e-haidar ko ab

sher-e-haq ke sher-e-nar aa jā.iye

al-’ajal kahtī haiñ maḳhlūq-e-ḳhudā

ai imām-e-bahr-o-bar aa jā.iye

sayyada kā vāsta dete haiñ ham

ho du'ā.eñ bā-asar aa jā.iye

tiira kā jalva hai tujh se hī 'ayāñ

ai imāmat ke samar aa jā.iye

naam terā jap rahe haiñ har ghaḌī

khizr-o-'īsā rāt-bhar aa jā.iye

bāhar imāmat ke sadaf se ab zarā

ai imāmat ke gauhar aa jā.iye

muntazir ik aap ke dīdār ko

haiñ hamārī chashm-e-tar aa jā.iye

is se pahle ho na jaa.e ye kahīñ

ḳhatm sāñsoñ kā safar aa jā.iye

'arziyāñ yuuñ kab tilak Dāleñge ham

ab zarā lene ḳhabar aa jā.iye

aap kī nā'lain par ‘zaid’-o-‘hasan’

chāhte haiñ rakhnā sar aa jā.iye

bagh-e-ahmad ke shajar aa jaiye

sher-e-yazdan ke pisar aa jaiye

muntazir hai ye zamin-o-asman

kah rahe hain ye shajar aa jaiye

hai andhera chaar sau chhaya hua

le ke nurani sahar aa jaiye

shab ko pur-raushan banane ke liye

sehn-e-zahra ke qamar aa jaiye

kah raha hai kab se ka'ba bas yahi

khol dun diwar-o-dar aa jaiye

KHatm karne munkir-e-haidar ko ab

sher-e-haq ke sher-e-nar aa jaiye

al-’ajal kahti hain maKHluq-e-KHuda

ai imam-e-bahr-o-bar aa jaiye

sayyada ka wasta dete hain hum

ho du'aen ba-asar aa jaiye

tera ka jalwa hai tujh se hi 'ayan

ai imamat ke samar aa jaiye

nam tera jap rahe hain har ghaDi

khizr-o-'isa raat-bhar aa jaiye

bahar imamat ke sadaf se ab zara

ai imamat ke gauhar aa jaiye

muntazir ek aap ke didar ko

hain hamari chashm-e-tar aa jaiye

is se pahle ho na jae ye kahin

KHatm sanson ka safar aa jaiye

'arziyan yun kab tilak Dalenge hum

ab zara lene KHabar aa jaiye

aap ki na'lain par ‘zaid’-o-‘hasan’

chahte hain rakhna sar aa jaiye