عشق میں تیرے کوہِ غم سر پر لیا جو ہو سو ہو

عشق میں تیرے کوہِ غم سر پر لیا جو ہو سو ہو

عیش و نشاط زندگی چھوڑ دیا جو ہو سو ہو

چاک جگر کو سوزن غم سے سیا جو ہو سو ہو

دامن دل کو تار تار میں نےکیا جو ہو سو ہو

میں بے نیاز ہوگیا انجام کار عشق سے

جام غمِ فراق کو بھر کر پیا جو ہو سو ہو

رشتۂ دل کو جور کر ایک ہی ذات پاک سے

اس کے سوا ہر ایک کو چھوڑ دیا جو ہو سو ہو

ساقی کی اک نگاہِ فیض کافی ہے بس مرے لیے

شیشۂ و جام اور سبو توڑ دیا جو ہو سو ہو

کشتی کو اپنی عمر کی موج حوادثات میں

ساحل عشق کی طرف موڑ دیا جو ہو سو ہو

مجھ نا مراد کے لیے آرام و چین ہے کہاں

اس کی طلب میں بار غم سر پر لیا جو ہو سو ہو

عقل و خرد کو فخرؔ نے بالائے طاق رکھ دیا

عشق و جنوں سے رابطہ جوڑ لیا جو ہو سو ہو