سی حرفی

الف اللہ آپ الٰہی اپروپ اوانکار

احد نرگن اروپہ نرنجن انتہ کرن کرتار

بے بصیرت بصر بصارت بانہر بہتر دیکھ

بندہ بندگی پن سوں بوجے باری تعالیٰ ایک

تے تعین اول تراتن تقویٰ استھول

ترکٹی ترمورتہ جس تے تربینی ترمول

ثے ثنا پر ثابت ہو کر لیجئے ہر کا ناؤں

ثنا صفت اوس ہر کا کیجیے جو ہر ہے ہر ٹھاؤں

جیم جمالی جگت جگت کا جبہوا جبروت جان

جلال جمال پر شاہد ہو کر جاپ جیو کر دھیان

حے حقیقت حکم الٰہی حاضر و ناظر جانو

حکیم حافظ حاکم حکمت حاجت رکھ پہچانو

خے خلقت میں خلا ملا ہو خلوت خانہ کیتا

خالق خوبی خبر خلق کا خاص نبی کوں دیتا

دال دلالت دل پر داتا دھیان دھنی کا کیجے

دکھ دکھی کا دور کرن کوں دھیان درس کا دیجے

زال ذلالت ذلت سٹ کر ذکر فکر میں رہنا

ذات صفات کے ذوقوں باتاں ذاکر ہو کر کہنا

رے ریاضت رب پر راضی رہنا رات ہور دیس

رام رحیم رحمان ہے ایک ہی ستگر کا اپدیس

ز زانو دھر یاد خدا میں زر زیور سب چھوڑو

زاری کر کر زیب و زینت کی الفت من سوں توڑو

سین سمع پر سامع ہو کر سن انجد کا یاد

سری سروپہ سب سرت نرتہ سے سکھیاں میں شاد

شین شہادت شاہد ہو کر شریعت پورا شاکر

شوق شہود مشہودی شغلوں دائم رہنا ذاکر

صاد صبر کر صابر رہنا اپنی صاحب کا کرن

صادر وارد آواگون پر شاہد رکھنا تن من

ضاد ضیافت ضابط ہو کر ضرور جانو لازم

ضد ضیا کوں ضرر کرے گا ضد کا مت ہو خادم

طوے طاقت سوں طالب ہو کر طلب حاصل کر توں

طبع طمع کی طرف نہ لا کر طریقت پر من دھر توں

ظوے ظلم کا ظلمت دور کر ظاہر ہونا

ظل میں مرشد کامل ملے تو زندگی ساری کھونا

عین علی کا ابد کلا کر عینیت کوں بوجھے

عاشق عارف او جو جس کوں رسم عینی سوجھے

غین غلام مولا ہو کر غالب غضب پر اچنا

غریب سیتی غنی کلا کر غیر و غرور سوں بچنا

فے فنا ہو فانی فی اللہ فقر فاقے سات

فہم فراست فضل کرم سوں فائدہ کیجے ہات

قاف قدیم ہے قادر قدرت قاہر اسم خاص

قضا قدر پر قانع ہو کر رہنا با اخلاص

کاف کلام پر کل کامل کن کلمہ سمرن کر

کفر کبر کا چھوڑ پچانو کریم پر میر

لام لقا سوں لٹ پٹ ہو کر لذت لی ہو لال

لازم کرنا مجنوں خاطر لیلیٰ کا احوال

میم محمدؐ مولا میرا مخبر صادق پاک

جس کے کارن ششی دوا کر ہور بھیا افلاک

نون ناظر ہے نور نبیؐ پر ہور نبوت نادر

نرگن سائیں نام نرنجن تس کل پر قادر

واؤ وجود او واجب تن سوں واحد وحدت بوجو

ولی ولایت والی واصل واقف کثرت بوجو

ہے ہدایت ہادی ہو کر ہواللہ بتلائے

ہر دم ہو ہو نام بتا کر سیندی مارگ لائے

اے یقین سوں یاد خدا کا یاہو یا ہو کرنا

من عرف سب حاصل کر فقد پر من دھرنا

ترابؔ بیست و ہشت حرف کا بیاں کیا ہے سارا

ہر یک بیت میں ہر یک مطلب راکھا ہے گا نیارا