اَوَدو بھولے کو گھر لاوے

اوَدُھو، ہم کو ہو پیارا ہے جو بھولے بھٹکے کو گھر واپس لاتا ہے جو گھر چھوڑ کر جنگل میں پناہ لیتا ہے کیوں کہ گھر ہی میں وصالِ محبوب ہے اور گھر ہی میں زندگی کا لطف جو ان دیکھے کو دکھادیتا ہے۔ گھر ہی میں پابندیاں اور بندشیں ہیں اور گھر ہی میں نجات اور مکتی۔ جو آسانی سے شونیہ (مکمل خاموشی، ’برہم‘) میں سما جائے اور آسانی سے سمادھی لگا لے۔ جو ہر چیز سے بے نیاز ہو کر برہم کو پہچانے اور اصل حقیقت کو محسوس کرے جو پریم اور بیراگ کو ملا کر صوتِ سرمدی کا ساز چھیڑے۔ کبیرؔ کہتے ہیں کہ گھر میں سب کچھ ہے۔ حقیقت گھر ہی میں ہے اور گھر ہی میں وہ حقیقت مل سکتی ہے۔

(ترجمہ: سردار جعفری)