بید کہے سَرگُن کے آگے نِرگُن کا بسرام

ویدوں کا کہنا ہے کہ سَرگُن کے آگے نِرگُن پھیلا ہوا ہے، (صفات کی آڑ میں بے صفات چھپا ہوا ہے) اے سُہاگن سَرگُن اور نِرگُن کے جھمیلوں میں تجھے کیا ملے گا، دیکھ ہر مقام تیرا مقام ہے، وہاں سکھ اور دکھ کا دھندلکا نہیں ہے، آٹھوں پہر چاروں طرف درشن ہی درشن ہے (دیدار ہی دیدار ہے) نور کی چادر ہے، نور کی مسند ہے، نور کا تکیہ ہے، سنو بھائی سادھو کبیرؔ کہتے ہیں کہ ست گرو سراپا نور ہے۔

(ترجمہ: سردار جعفری)