ہم سوں رہا نہ جاے مرلی کَے دھن سن کے

میں مرلی کی دھن سن رہا ہوں اور میرا دل قابو سے باہر ہوا جا رہا ہے۔ بغیر بسنت کے پھول کھل رہے ہیں اور بھونرا دیوانہ ہوا جا رہا ہے۔ آسمان گرج رہا ہے، بجلی چمک رہی ہے اور میرے دل کی اندر لہریں اٹھ رہی ہیں۔ کنول کھل رہا ہے، پانی برس رہا ہے اور میرے دل کی لو پربھو کی طرف لگی ہوئی ہے۔ میرا من وہاں پہنچ گیا ہے جہاں کائنات کی تالیاں بج رہی ہیں اور غیب کا پرچم لہرا رہے ہیں۔ کبیرؔ کہتے ہیں کہ آج جیتے جی مر جانے میں مزا ہے۔

(ترجمہ: سردار جعفری)