جہاں چیت اچیت کھمبھ دَؤو من رچیا ہے ہِنڈور

جہاں شعور اور لاشعور دو ستون ہیں وہاں من کا ہنڈولا ہل رہا ہے۔ وہاں سارے جیو، سارے جہاں جھول رہے ہیں۔ چاند اور سورج پینگ لے رہے ہیں، جس کا کوئی انت نہیں ہے۔ چوراسی لاکھ قالبوں میں بھٹکنے والے جیو جھول رہے ہیں۔ کروڑوں عہد اور دور گزر رہے ہیں لیکن ان کے منہ سے ہائے نہیں نکلتی۔ زمیں اور آسمان اور ہوا اور پانی سب جھول رہے ہیں۔ خود ہری (وشنو) بار بار اوتار لے کر پینگیں بڑھا رہے ہیں اور اس تماشے کو داس کبیرؔ دیکھ رہے ہیں۔

(ترجمہ: سردار جعفری)