سَد گرو سوئی دیا کری دینہا

یہ میرے ست گرو (سچے مالک) کی مہربانی ہے کہ میں نے عقل و فہم سے بالاتر کا عرفان حاصل کیا ہے۔ اس عرفان کا کیا کہنا جس میں بغیر پیروں کے چلتے ہیں۔ بغیر پروں کے اڑتے ہیں۔ بغیر چونچ کے چگتے ہیں، بغیر آنکھوں کے دیکھتے ہیں۔ بغیر کانوں کے سنتے ہیں۔ میرا عشق مجھے وہاں لے آیا ہے جہاں نہ چاند ہے نہ سورج، نہ دن ہے نہ رات، اناج نہیں ہے۔ لیکن امرت رس کا بھوجن مل رہا ہے۔ پانی نہیں ہے لیکن پیاس بجھ رہی ہے۔ جہاں انبساط ہے وہیں مکمل سکون ہے اور یہ آنند قابل بیان ہے۔ کبیرؔ کہتے ہیں کہ ایسے گرو کے قربان جائیے۔ اس کے چیلے (سش = شاگرد) کی قسمت مبارک ہے۔

(ترجمہ: سردار جعفری)