یا تریور میں ایک پکھیرو بھوگ سرس بہہ ڈولے رے

اس پیڑ پر ایک چڑیا ہے جو میٹھا رس پی کر جھوم رہی ہے۔ کوئی نہیں جانتا کہ وہ کہاں ہے۔ کسی کو نہیں معلوم کہ اس کے گیت کا کیا راز ہے۔ جہاں ڈالیوں کا سایہ سب سے زیادہ گہرا ہے وہیں اس چڑیا کا بسیرا ہے۔ وہ شام کو آتی ہےاور صبح اڑ جاتی ہے اور اپنا راز کسی پر ظاہر نہیں کرتی۔ کوئی نہیں بتاتا کہ وہ کون سی چڑیا ہے۔ جو میرے وجود (گھٹ = جسم)میں بول رہی ہے۔ وہ نہ تو رنگین ہے نہ بے رنگ ہے، اس کی شکل ہے نہ صورت۔ وہ پریم کی چھاؤں میں بیٹھی ہوئی ہے۔ لامحدود اور بیکراں ابدیت اس کا نشیمن ہے۔ اسے آتے جاتے کوئی نہیں دیکھتا۔ سنو بھائی سادھو کبیرؔ کہتے ہیں کہ یہ بڑی پر اسرار (اگم) کہانی ہے۔ اس پنچھی کا ٹھکانا کہاں ہے اسے کوئی گیان والا بوجھ سکے تو بوجھے۔

(ترجمہ: سردار جعفری)