بہ ہر روئے جمال یار ہستم

میں ہر رخ سے اپنے یار کے حسن میں ڈوبا ہوا ہوں، سراپا اپنے دلدار کا مظہر ہوں۔

ناز و ادا کی رنگت اور خوشبو میری طبیعت میں ہے، میں ہر گلشن میں اپنے یار کی بہار ہوں۔

کبھی میں زاہد ہوں، کبھی خرابات کا پیر، کبھی دیوانہ ہوں اور کبھی ہوشمند ہوں۔

مئے اَنی اَنَا اللہ(میں ہی اللہ ہوں) جوش میں آ‎ئ، میں شبلیؔ اور عطارؔ کے جام سے مست ہوں۔

حسین چہروں کا جمال میرے جمال سے عیاں ہے، یوں میں بازار کے سرِ عام نمایاں ہوں۔

عارفؔ نے بھی منصور کی طرح اناالحق کہا، میں بھی داستان بننے کے لئے دار پر جا رہا ہوں۔