بملازمان سلطاں کہ رساند ایں دعا را

بادشاہ کے ملازموں کو یہ التجا کون پہونچائے گا، کہ بادشاہی کے شکرانہ میں فقیر کو نظر سے نہ ہٹا۔

اے معشوق کیا قیامت ہے کہ تونے عاشقوں کے لئے نمود کر لیا ہے، روشن چاند جیسا چہرا اور سنگ خارا جیسا دل۔

دیو طبیعت رقیب سے میں خدا کی پناہ چاہتا ہوں، شاید وہ روشن ستارا خدا کے لیے مدد کر دے۔

جب تو رخسار روشن کرتا ہے ایک عالم کے دل کو جلا دیتا ہے، تجھے اس سے کیا فائدہ ہے کہ خاطر تواضع نہیں کرتا ہے۔

تیری سیاہ پلکوں نے اگر ہمارے قتل کا اشارہ کیا ہے، تو اس مکر کے بارے میں سوچ اور اے معشوق غلطی نہ کر۔

تمام رات اسی تمنا میں ہوں کہ نسیم سحری، دوست کو دوستی کے پیغام سے نواز دے۔

درد مند عاشق کا دل جو تیرے فراق سے خون میں ہے، کیا ہو جائے گا اگر اے یار تو اس کو اپنے وصال تک پہونچا دے گا۔

ہمارے حاجتمند دل کو تو زلف کے شکنجے میں قید کرکے لے گیا، ہمارے کمزور دل کو نہ توڑ اس فقیر کو نواز دے۔

تیری مست نگاہ کے فریب سے درد مند دل خون ہو گیا ہے، اے دلربا بت خدا کے لئے اس کے حال پر ایک نظر کر۔

جبکہ درد مندوں کا طبیب معشوق کا لعل جیسا ہونٹ ہو، تو عاشق کا درد مند دل اس دوا کو کس کے پاس تلاش کرے۔

عاشق کی حالت کی خبر یار کے پاس جا کر کہہ دو، شاید اس کی زلف کا کوئی اثر ہمارے دماغ تک پہونچ جائے۔

خدا کے لئے صبح کو بیدار ہو نے والے حافظ کو تو ایک گھونٹ دے دے،

اس لئے کہ صبح کے وقت کی دعا تمہارے لئے مفید ہوگی۔