کیم من بے نصیبے بے نوائے

میں کون ہوں؟ ایک بے نصیب، بے نوا، غریب آوارہ اور مسکین گدا۔

اے خدا! کہیں کسی جگہ کسی آنکھ نے نہیں دیکھا ہوگا مجھ جیسا کوئی دوسرا خود پسند اور خودستانی کرنے والا۔

(اے اللہ!) تیری راہ میں پڑا ہوا میرے جیسا کوئی عاجز اور بے دست و پا نہیں ہوگا۔

نہ میرے ساتھ کوئی قافلہ ہے نہ راہنما اور نہ کبھی کسی حدی خواں (قافلہ میں گانے والے) کی صدا ہے۔

میرا وجود ننگ دین اور مذہب کے لئے باعث شرم اور لائق ملامت اور پر خطا ہے۔

میری زندگی کی دشوار گرہوں کا کھلنا ممکن نہیں مگر تیری مہربانیاں مشل کشا ہیں۔

تیرے کوچے کے سوا میری نظر میں دونوں عالم کی کوئی بھی چیز دل کو لبھانے والی نہیں۔

(اے اللہ!) تیرے عاشقوں میں ہزاروں مجھ سے بہتر ہیں مگر (میرے لئے) تیرے جیسا دلربا کوئی نہیں۔

اگرچہ تیرے بندے بے شمار ہیں،

لیکن میرے لیے تیرے سوا کوئی اور خدا نہیں ہے۔

اے کاش تیری گلی کے کتے، میرے دل کو اپنے لئے مہمان سرا بنائیں۔

خدایا! میرے جرمِ عظیم ہیں۔ اس کا محو ہونا دشوار ہے۔

اپنے حبیب کے نعلین کے صدقے میں بدر خستہ و مسکین گدا کو بخش دے۔