دل برد از من دیروز شامے

وہ فتنہ انگیز، قیامت خرام محبوب

کل شام میرا دل لے گیا

اس کا روشن چہرہ صبحِ نور کی مانند ہے،

اور پیشانی کی لہر پوری چودھویں رات کے چاند کی طرح ہے۔

اس کا مشکیں خط باغ میں کھلے سنبل جیسا ہے،

اور اس کے لعل جیسے لب جام میں بھری ہوئی شراب کی مانند ہیں۔

اس کی آنکھیں ایسی ہیں گویا کوثر کا ایک گھونٹ

اور اس کا قد ایسا ہے کہ طوبٰی کا درخت بھی اس کا ادنیٰ غلام ہے۔

اس کی نظر کی بجلی سینکڑوں جانوں کو اپنی طرف کھینچ لیتی ہے،

اور اس کی سیاہ زلفیں سینکڑوں دلوں کو دام میں گرفتار کر لیتی ہیں۔

وہ تلوار جیسی ابرو اور تیر جیسی مژگاں

دونوں ہی قتلِ عام کے لیے تیار رہتی ہیں

اس کی ہر ادا ایک میٹھی بات ہے،

اس کا ہر انداز ایک رنگین پیغام ہے۔

کیا رخ ہے اس کا اور کیا زلفیں ہیں

کیسی صبح ہے اور کیسی شام!

کبھی وہ مستی میں رقص کرتے طاؤس جیسا لگتا ہے،

اور کبھی شوخی میں ہرن کی طرح مٹکتا ہوا چلتا ہے۔

می کے پیالے کے بوجھ سے ہاتھ میں لرزش ہے

اور شراب کی مستی سے اس کے قدم میں لڑکھڑا ہٹ ہے

اس کی لرزتی ہوئی آنکھوں سے دونوں عالم لرز اٹھتے ہیں،

اور اس کی پریشان زلفوں سے سارا نظام اُلٹ جاتا ہے۔

میں نے عشق کے درد کی بات انتہائی ادب،

صد ہزار سجدوں اور سلاموں کے ساتھ کی۔

میں نے پوچھا تم کیا چاہتے ہو؟کہنے لگا تمہارا دل اور جان!

میں نے پوچھا اور کیا چاہتے ہو ؟اس نے کہا تمہاری غلامی!