دل برد از من دیروز شامے

کل رات مجھ سے میرے دل کو چھین لیا

ایک نھایت حسین محشر برپا کرنے والے (محبوب)نے

ان کا نورانی چہرہ صبح کی طرح روشن ہے

ان کی لوح پیشانی ماہ کامل کی طرح چمک رھی ہے

ان کے وہ معطر خط جیسے باغ میں سنبل کا پھول

اور لب لعل گویا جام میں شراب جیسے ہیں

ان کی آنکھیں گویا آب کوثر کا ایک گھونٹ

ان کا قد و قامت گویا طوبا(اونچا درخت) ان کا ادنی غلام ہے۔

ان کی نگاہوں کی چمک پر سو جان دامنگیر ہو جاییں

اور ان کی وہ سیاہ زلف سو دلوں کو قید کر لے۔

وہ ان کے ابرو کی شمشیر اور وہ مژگاں کے تیر

قتل عام کی طرح ہر کوئ ان سے قتل ہونے کو تیار ہے

ان کی ہر ناز و ادا اور خوش کلامی دل موہ لینے والی ہے

اور ان کا ہر اشارہ ایک دل پسند پیام ہے

ان کے رخسار کیا رخسار ہیں اور گیسو کیا گیسو ہیں

صبح کیا صبح ہے اور شام کیا شام ہے

ان کی مست چال ایسی ہے کہ گویا مور کا رقص ہو

اور ان کی ناز و ادا ایسی ہے کہ گویا خوش رفتار آہو

جام کے بار سے ان کے ہاتھوں میں لرزش ہے

اور اس سرخ شراب کے سبب اس کی چال کی وہ لرزش

ان کی آنکھوں کی لرزش سے دونوں عالم لرز جاتے ہیں

ان کی زلف برھم سے نظام دنیا تہہ و بالا ہو جاتا ہے

میں نے ان سے اپنی درد محبت کی داستان بیان کی

سیکڑوں سجدوں اور سیکڑوں سلام کے ساتھ

میں نے پوچھا کہ تمھیں کیا چاہۓ، اس نے کہا دل اور جان

میں نے پوچھا کس کی جستجو ہے، کہا ایک غلام کی